English
Favourite
Favourite
UrduShayarUrduShayar
Expand menu
Sign inAccount

Tags-Wada

mujh ko bhī kahīñ aur se aayā hai bulāvā
achchhā hai chalo aaj bhī va.ada na vafā ho
Ghazal
 donon hi ki jaanib se ho gar ahd-e-wafa ho
va.ada vo tumhārā hai ki lab tak nahīñ aatā
matlab ye hamārā hai ki bātoñ meñ adā ho
Ghazal
 donon hi ki jaanib se ho gar ahd-e-wafa ho
husn se va.ada-ḳhilāfī ishq se taubā kareñ
diin ke bhī hoñ bure duniyā ko bhī rusvā kareñ
Ghazal
 kis zaban se shikwa-e-jaur-e-sitam-ara karen
bīmār-e-hijr maut se uTh kar lipaT gayā
vaade pe aayā jab koī terā gumāñ rahā
Ghazal
 dil ki bisat kya thi jo sarf-e-fughan raha
sau sau kiye bahāne jab roz-e-vāda aayā
ai hīlā-sāz tujh sā paimāñ-shikan na dekhā
Ghazal
 tujh tak guzar kisi ka ai gul-badan na dekha
mujhe ma.alūm hai va.ada-ḳhilāfī us kī fitrat hai
jo kahte ho nibhā.egā chalo maiñ maan letā huuñ
Ghazal
 tumhaara husn hai yakta chalo main man leta hun
kal kā vaada na karo dil mirā bekal na karo
kal paḌegī na mujhe mujh se ye kal kal na karo
Ghazal
 kal ka wada na karo dil mera bekal na karo
jab kahte haiñ ham karte ho kyuuñ va.ada-ḳhilāfī
farmāte haiñ hañs kar ye na.ī baat nahīñ hai
Sher
 jab kahte hain hum karte ho kyun wada-KHilafi
va.ada na karo jalva-e-dīdār dikhāo
imroz ke mushtāq ko fardā se ġharaz kyā
Ghazal
 gham-e-dost ko aasaish-e-duniya se gharaz kya
na mulāqāt na ashfāq na va.ada na payām
kyūñki taskīn tire hijr meñ hove mujh ko
Ghazal
 hum mue phirte hain aur KHwahish-e-jaan hai usko
vo āveñge mire ghar va.ada kaisā dekhnā 'ġhālib'
na.e fitnoñ meñ ab charḳh-e-kuhan kī āzmā.ish hai
Ghazal
 huzur-e-shah mein ahl-e-suKHan ki aazmaish hai
va.ada kiyā hai ġhair se aur vo bhī vasl kā
kullī karo huzūr huā hai dahan ḳharāb
Sher
 wada kiya hai ghair se aur wo bhi wasl ka
milnā hai to mil jaao yahīñ hashr meñ kyā hai
ik umr mire va.ada-shikan kam nahīñ hotī
Ghazal
 TuTe hue KHwabon ki chubhan kam nahin hoti
bahte ashkoñ par likhī tahrīr raushan hai abhī
ek va.ada ek paikar hū-ba-hū āñkhoñ meñ hai
Ghazal
 ek be-manzar udasi chaar-su aankhon mein hai
yaqīn-e-vāda nahīñ tāb-e-intizār nahīñ
kisī tarah bhī dil-e-zār ko qarār nahīñ
Ghazal
 yaqin-e-wada nahin tab-e-intizar nahin
phir kyā hai jo ye raat Dhalī jaatī hai āḳhir
vo va.ada-farāmosh ho aisā bhī nahīñ hai
Sher
 phir kya hai jo ye raat Dhali jati hai aaKHir
na ghabrāo jaanā ajī ham bhī samjhe
kahīñ aur bhī aaj va.ada huā hai
Ghazal
 nae Dhab ka kuchh josh-e-sauda hua hai
karo va.ada ki tum aaoge is mahfil ko jaañ dene
sajā.eñge kabhī jo dil kī mahfil ham zamāne meñ
Ghazal
 gham-e-jaanan gham-e-dauran bahut hain gham zamane mein
va.ada muāvze kā na kartā agar ḳhudā
ḳhairāt bhī saḳhī se na miltī faqīr ko
Sher
 wada muawze ka na karta agar KHuda
baḌhne lagī yaqīn o gumāñ meñ jo kashmakash
va.ada bhī sub.h o shaam pe Taltā chalā gayā
Ghazal
 shikwa jo mera ashk mein Dhalta chala gaya
Top Urdushayar.com