Tags-Wafa

ai shahr-e-sitam-pesha batā kis ko sadā duuñ
ab kaun rahā hai jise paiġhām-e-vafā duuñ

ai mirī jaan mohabbat bhī ajab shai hai ki jo
kūcha-e-gard-e-malāmat ko vafā likhtī hai

pūchh letā hai tū auroñ se mujhe
baare itnī to vafā tujh meñ hai

vafā ḳhulūs kā siñgār roz kartī hai
yuuñ dhīre dhīre mirī zindagī sañvartī hai

husn kī rusvā.ī kā baa.is
ishq vafā tahzīb ke dushman

ḳhulūs-e-mehr-o-vafā pyaar aur mohabbat se
badal ke dekhiye duniyā badal bhī saktī hai

koī har maraz kī davā bāñTtā hai
ḳhulūs-o-mohabbat vafā bāñTtā hai

yak nigah ko vafā na kī goyā
mausam-e-gul safīr-e-bulbul thā

ham ne aalam se bevafā.ī kī
ek māshūq-e-bevafā ke liye

ye ek pal kī vafā muddatoñ kā ronā hai
zarā se jurm kī itnī sazā ziyāda hai

dur durj-e-vafā kī aab huuñ maiñ
dil ke ā.īne kī safā huuñ maiñ

duniyā ko bhuul kar mirī bāñhoñ meñ jhuul jā
āvāz de rahā huuñ vafā ke maqām se

ḳhair ho un kī kaj-adā.ī kī
ham to apnī vafā se Darte haiñ

kahānī mohabbat kī kuchh bhī nahīñ
banātī hai is ko vafā ḳhūbsūrat

gilā nahīñ tujh se zindagī ke vo zāviye hī badal chuke haiñ
mirī vafā vo tire taġhāful kī nauha-ḳhvāñ thak ke so ga.ī hai

bahāna DhūñD rahe haiñ tamām ahl-e-sitam
fasīl-e-shahr-e-vafā meñ naqab lagāne kā

kaun jaane ki kyā hai vafā
kis ne DhūñDe se paayā ḳhudā

vafā chāhte haiñ vafā chāhtā huuñ
vo kyā chāhte haiñ maiñ kyā chāhtā huuñ

hal karne haiñ mujh ko ka.ī pechīda masā.il
ai jān-e-vafā gesu-e-pur-ḳham kī tarah aa

vafā parchhā.īñ kī andhī parastish
mohabbat naam hai mahrūmiyoñ kā