Tags-Wafa

vafā karo jafā mile bhalā karo burā mile
hai riit desh desh kī chalan chalan kī baat hai

kyuuñ yaad dilāte ho mujhe chāñdnī rāteñ
paimān-e-vafā tum se hai sab yaad hai mujh ko

aao jī bhar ke gale mil leñ rafīqo ham aaj
qatl kī shakl meñ in.ām-e-vafā hai ab ke

azāb-e-gard-e-ḳhizāñ bhī na ho bahār bhī aa.e
is ehtiyāt se ajr-e-vafā na māñge koī

rah-e-vafā meñ matā-e-safar kī baat na pūchh
bas ek zindagī-e-musta.ār le ke chale

lutf-o-sitam vafā jafā yās-o-umīd qurb-o-bod
ishq kī umr kaT ga.ī chand tavahhumāt meñ

vo hīla-gar jo vafā-jū bhī hai jafā-ḳhū bhī
kiyā bhī 'faiz' to kis but se dostāna kiyā

iltifāt-e-yār thā ik ḳhvāb-e-āġhāz-e-vafā
sach huā kartī haiñ in ḳhvāboñ kī ta.abīreñ kahīñ

ye aarzū hai badal jaa.e rasm-e-shahr-e-vafā
udaas husn na ho ishq sar-garāñ na rahe

vafā par naaz ham ko un ko apnī bevafā.ī par
koī muñh aa.ine meñ dekhtā hai koī paanī meñ

pai-e-raf-e-bad-gumānī maiñ vafā barat rahā thā
mirī pai-ba-pai vafā se baḌhī aur bad-gumānī

jo havas farosh the shahr ke sabhī maal bech ke jā chuke
magar ek jins-e-vafā mirī sar-e-rah dharī kī dharī rahī

ba.az auqāt azm-e-tark-e-vafā
ain min-jumla-e-vafādārī

vo zindagī ho ki duniyā 'farāz' kyā kiije
ki jis se ishq karo bevafā nikaltī hai

na hoñ ḳhvāhisheñ na gilā koī na jafā koī
na savāl ahd-e-vafā kā ho vahī ishq hai

qadam qadam pe qadam laḌkhaḌā.e jaate the
tamām umr bhī tai manzil-e-vafā na huī

tumhārī shart-e-mohabbat kabhī vafā na huī
ye kyā huī tumhīñ kah do agar jafā na huī

us sarāpā vafā kī furqat meñ
ḳhvāhish-e-ġhair kyuuñ satātī hai

shaam hai ek sitāra hai sar-e-charḳh-e-vafā
maañg us vaqt koī dil se duā āhista

bad-gumānī kī havā se gul na ho sham-e-vafā
zehn-o-dil meñ ho rahī haiñ aaj ye sargoshiyāñ