Tags-Wafa

sub.h ke nuur pe ta.azīr lagāne ke liye
shab kī sañgīn siyāhī ne vafā māñgī hai

ḳhūn-e-jamhūr meñ bhīge hue parcham le kar
mujh se afrād kī shāhī ne vafā māñgī hai

maano kahā jafā na karo tum vafā ke ba.ad
aisā na ho ki pher leñ ulTī duā.eñ ham

ye jaan tum na loge agar aap jā.egī
us bevafā kī ḳhair kahāñ tak manā.eñ ham

badleñ zarā nigāh ke andāz aap bhī
uTThe haiñ kuchh usuul vafā ke badal ke ham

maqtal-e-shahr meñ jab harf-e-vafā kho jaa.e
tum kisī chīḳh kī mānind ubharnā sīkho

ilzām na deñge ham tum ko taskīn meñ koī kī na kamī
vaada to vafā kā tum ne kiyā kyā kījiye iifā mushkil hai

maiñ ne maanā ki vo begāna-e-paimān-e-vafā
kho chukā hai jo kisī aur kī ra.anā.ī meñ

tumhārī sañg-dilī se ḳhafā nahīñ hote
ki ham se apne hī va.ade vafā nahīñ hote

intihā hone se pahle soch le
bevafā hone se pahle soch le

abr-e-āvāra se mujh ko hai vafā kī ummīd
barq-e-betāb se shikva hai ki pā.inda nahīñ

tū chāhiye na terī vafā chāhiye mujhe
kuchh bhī na tere ġham ke sivā chāhiye mujhe

takalluf bartaraf maiñ saaf kah duuñ
vafā kyā aur paimān-e-vafā kyā

un se koī ummīd-e-vafā rakhe to kaise
har baat meñ jo sūd-o-ziyāñ dekh rahe haiñ

duniyā samajh na pā.egī majbūriyāñ tirī
mujh ko to hai yaqīn ki tū bevafā na thā

mo.attar kar ga.ī bū-e-vafā māhaul-e-ālam ko
mire har qatra-e-ḳhūñ se hazāroñ gulistāñ nikle

phir vafādār nazar aane lagā
bevafā jis se laḌā.ī thī abhī

rāh-e-vafā meñ hirs-o-havā ke itne dilkash manzar the
us meñ 'rāhī' bhaTak gayā vo āḳhir ibn-e-ādam thā

jo dil rakhte haiñ siine meñ vo kāfir ho nahīñ sakte
mohabbat diin hotī hai vafā īmān hotī hai

is se pahle ki be-vafā ho jaa.eñ
kyuuñ na ai dost ham judā ho jaa.eñ