Tags-Wafa

ishq ne rāh-e-vafā samjhā.ī samjhāne ke ba.ad kahā
vaqt paḌā to jaanā hogā rāhguzar se aage bhī

aap ne mujh ko ḳhuub pahchānā
vāqa.ī saḳht bevafā huuñ maiñ

mirī vafā meñ kuchh apnī ġharaz bhī shāmil hai
so apne zaḳhm ko pahle rafū karūñgā maiñ

hai dil meñ agar us se mohabbat kā irāda
le lījiye dushman ke liye ham se vafā qarz

muhīb rāste ham ko kahāñ Darā sakte
vafā kī raah pe koī hameñ milā hī nahīñ

tum mujhe bevafā.ī ke taane na do mere mahbūb maiñ bevafā to nahīñ
tum bhī maġhrūr ho maiñ bhī ḳhuddār huuñ aañkh ḳhud hī bhar aa.e to maiñ kyā karūñ

hamārī raah thī rāh-e-vafā 'ishrāq' ab lekin
hamāre qāfile kā rahnumā kuchh aur kahtā hai

tirā chehra tirā husn-e-vafā kuchh aur kahtā hai
magar shīrīñ-laboñ kā zā.iqa kuchh aur kahtā hai

ye koī zid hai ki hai rasm-e-āshiqī hī yahī
havā ke ruḳh pe jo sham-e-vafā jalā.ī hai

hai mujhe pās-e-vafā ai but-e-ayyār faqat
varna kuchh tū hī nahīñ ek tarah-dār faqat

'bedam' kī zindagī hai isī chheḌ-chhāḌ meñ
tark-e-vafā kī tarah se tark-e-jafā na ho

de sake ab tak na dastūr-e-vafā tartīb tum
kyā ruke dīvār jab buniyād mustahkam na ho

jāntā kaun nahīñ ahd-e-vafā ko tere
vo bhī minjumla-e-andāz-e-jafā hai ai dost

vo tum ki tum ne jafā kī to kuchh burā na kiyā
vo maiñ ki zikr ke qābil nahīñ vafā merī

vafā nigāh kī tālib hai imtihāñ kī nahīñ
vo merī ruuh meñ jhāñke na āzmā.e mujhe

vo kah rahā hai ki jaan apnī hamārī ḳhātir luTā sakegā
hai kaun jis ne vafā meñ ye sab kahā nahīñ yā sunā nahīñ hai

kabhī zikr-e-mehr-o-vafā kareñ kabhī dāstān-e-alam kaheñ
baḌe e'timād se vo suneñ baḌe e'timād se ham kaheñ

āġhāz-e-jafā yaad na anjām-e-vafā yaad
jab sāmne tum aa.e to kuchh bhī na rahā yaad

apne pahlū meñ tujhe dekh ke hairat hai mujhe
ḳharq-e-ādat hai tirā vaada vafā ho jaanā

burā mat maan itnā hausla achchhā nahīñ lagtā
ye uThte baiThte zikr-e-vafā achchhā nahīñ lagtā