Tags-Wafa

dard kī barkhā TuuT ke barsī phuuT bahe palkoñ ke band
is bārish meñ vaz-e-vafā kī har koshish nākām huī

us ko bhī kahte haiñ 'mumtāz' vafā kā naġhma
dil-e-betāb meñ ghuT ghuT ke jo mar jaatā hai

vo aa gayā thā merī giraft-e-vafā meñ par
us par fareb the jo zamānat meñ kaam aa.e

pata hī miltā nahīñ kuchh us kā hameñ to bāzār-e-zindagī meñ
to kyā jahān-e-ḳharāb meñ ab kahīñ bhī jins-e-vafā nahīñ hai

dūsre ko jo doge dil meñ bhī
dil ke naqsh-e-vafā miTā dūñgā

kar ke tajdīd-e-ahd-e-vafā dil-nashīñ
qaid kī aur muddat baḌhā dī ga.ī

ġhazal ke shikve ġhazal ke muāmlāt judā haiñ
mirī hī tarah se to bhī vafā-shi.ār hai aa jā

suulī chaḌhā koī koī ġharqāb ho gayā
kyā kyā vafā se hotī rahīñ bevafā.iyāñ

dil bhī detā hai mujhe mashvara-e-tark-e-vafā
kuchh taqāzā-e-jahān-e-guzarāñ hotā hai

maiñ ek baab thā afsāna-e-vafā kā magar
tumhārī bazm se uTThā to ik kitāb banā

ai husn-e-ḳhud-parast zarā soch to sahī
mehr-o-vafā se tujh ko mile der ho ga.ī

shikāyat bevafā.ī kī na kar duniyā-e-fānī meñ
vafā kā naam baaqī hai faqat qisse kahānī meñ

julūs-e-ahl-e-vafā kis ke dar pe pahuñchā hai
nishān-e-tauq-e-vafā zīnat-e-gulū kar ke

ham se vafā kareñ ki vo ham par jafā kareñ
paa.eñ ḳhudā se ham jo butoñ se daġhā kareñ

ab vāqif-e-mafhūm-e-vafā qalb-e-hazīñ hai
ab aap kī bedād bhī bedād nahīñ hai

miltī tirī vafā kī mujhe daad bhī nahīñ
majnūñ nahīñ hai dahr meñ farhād bhī nahīñ

paikār-e-ḳhair-o-shar se guzar aa.ī zindagī
terī vafā kā daur thā ahd-āfrīñ bahut

rāh-e-vafā meñ jī ke mare mar ke bhī jiye
khelā usī tarah se kiye zindagī se ham

usī ko hāsil-e-umr-e-vafā banānā hai
jo ik ḳhalish sī hai dil meñ barā.e naam abhī

baḌe ḳhulūs kī bātoñ ke ba.ad shart-e-vafā
tirā ġhurūr bhī ḳhat ke javāb meñ dekhā