Collections

Lab Shayari

Motivational Ghazals

Best Khamoshi Shayari

More Collections

Tags-Wafa

ik ghar bhī salāmat nahīñ ab shahr-e-vafā meñ
tū aag lagāne ko kidhar jaa.e hai pyāre

ek ghar bhi salamat nahin ab shahr-e-wafa mein

kalī kā lab badan kundan kā qāmat sarv kī lekin
vafā nā-āshnā mere barābar ho nahīñ saktā

jo Dar apnon se hai ghairon se wo Dar ho nahin sakta

aaj bhī jin ko hai apnoñ se vafā kī ummīd
merī tasvīr unheñ jā ke dikhā de koī

be-gunahi ka har ehsas miTa de koi

ġham-e-vafā ko pas-e-pusht Dālnā hogā
khaTak rahā hai jo kāñTā nikālnā hogā

gham-e-wafa ko pas-e-pusht Dalna hoga

kabhī shā.irī is ko karnī na aatī
usī bevafā kī badaulat kare hai

bayan jab kalim apni haalat kare hai

tere hisse kā intizār kiyā
phir namāz-e-vafā adā kar dī

be-maza thi jo bad-maza kar di

zikr-e-vafā vo sunte hī majlis se uTh ga.e
kuchh guftugū hī Thiik na thī aise baab meñ

kya jaano jo asar hai dam-e-shoala-tab mein

ye raqīboñ kī hai suḳhan-sāzī
be-vafā aap hoñ ḳhudā na kare

ye raqibon ki hai suKHan-sazi

vafā ke naam par pairā kiye kachche ghaḌe le kar
Duboyā zindagī ko dāstāñ-dar-dāstāñ ham ne

wafa ke nam par paira kiye kachche ghaDe le kar

haa.e duniyā meñ kisī meñ nahīñ itnī bhī vafā
jitnā kuttā hai vafādār baḌī mushkil hai

mutakabbir na ho zardar baDi mushkil hai

go dostī na sahī dushmanī nibāh to dī
milā nasīb se dushman vafā-shi.ār mujhe

junun talash mein hai pa na le bahaar mujhe

tum ne ye kyā sitam kiyā zabt se kaam le liyā
tark-e-vafā ke ba.ad bhī merā salām le liyā

tumne ye kya sitam kiya zabt se kaam le liya

dekh kar un kī jafāoñ kā ḳhulūs
maiñ vafā ke naam par sharmā gayā

jab bhi nazm-e-mai-kada badla gaya

jis tarah chāhiye kab kār-e-vafā hotā hai
haq mohabbat kā kahāñ ham se adā hotā hai

jis tarah chahiye kab kar-e-wafa hota hai

kab tak yūñhī dikhā.eñge ham ko vo sabz-bāġh
rasm-e-vafā nibhānī thī jin ko nibhā ga.e

wo jalwa-gah-e-naz mein jis waqt aa gae

tujh ko manzūr jafā mujh ko hai matlūb vafā
na ye bhātā hai tujhe aur na vo bhātā hai mujhe

bas ki chun badr-zamana ye ghaTata hai mujhe

kyā sune koī dāstān-e-vafā
farq ab ishq aur havas meñ nahīñ

maut bhi meri dastaras mein nahin

mirī vafā pe bhī ai dost e'tibār na kar
mujhe bhī terī tarah sab se pyaar karnā hai

mujhe to ye bhi fareb-e-hawas lagta hai

kyuuñ nibhā.egā vo paimān-e-vafā mujh se ki vo
saarī duniyā se baġhāvat to nahīñ kar saktā

KHud se itni bhi adawat to nahin kar sakta

yuuñ bhī raas aa.ī nahīñ us kī vafā tum rakh lo
mujh ko bīmār hī rahne do davā tum rakh lo

yun bhi ras aai nahin uski wafa tum rakh lo