Tags-Wafa

ik martaba dil pe iztirābī aa.ī
ya.anī ki ajal merī shitābī aa.ī

umr-bhar dete rahe haiñ tujhe tāvān-e-vafā
sūd-dar-sūd tirā qarz utartā hī nahīñ

nibhāo ab use jo vaz.a bhī banā lī hai
vagarna dahr to ahl-e-vafā se ḳhālī hai

maiñ nahīñ maslak-e-arbāb-e-vafā se vāqif
husn kyuuñ raaz kī har baat batātā hai mujhe

ye dil ye shahr-e-vafā kab use pasand aayā
vo be-qarār thā us ko yahāñ se jaanā thā

us bevafā pe marne ko āmāda dil nahīñ
lekin vafā kī zid hai ki mar jaanā chāhiye

kaash yuuñ hotā
ki vafā

maiñ huuñ vo shāh-baḳht ki darbār-e-husn meñ
chaltā hai apnā kaam vafā ke baġhair bhī

ab ittifāq-e-ahl-e-vafā tum ko kyā dikhā.eñ
mahshar meñ dekhnā ki ye sab ek jā haiñ

jis shahar ko chhoḌā thā māyūs-e-vafā ho kar
ab dil kī yahī zid hai vaañ bār-e-digar jā.ūñ

kitnī dushvār hai pābandi-e-ā.īn-e-vafā
aah bhī lab pe agar aa.e to maarā jaa.e

koī ḳhush hove ḳhūbāñ kī vafā se
mujhe to un kī aatī hai jafā ḳhush

mire dil kī āb-o-havā lagī ki vafā bhī un ko ḳhatā lagī
vahī sādgī se jo aa.e the vahī bāñkpan se chale ga.e

zaḳhm ke rañg haiñ kyā merī ridā jāntī hai
kis ne kī kis se vafā ḳhud ye vafā jāntī hai

ishq ahl-e-vafā biich use qadr hai kyā ḳhaak
vo dil ki jo gard-e-rah-e-dildār na hove

qahr-o-ġhazab ke mimbar par hāthoñ meñ liye kashkol-e-vafā
jhāñk rahā thā sūraj bhī kal ġhaur se ek surāhī meñ

tarġhīb-e-vafā karnā tujhe mujh pe ravā thā
gar sheva jafā kā tirā marġhūb na hotā

ham to vābasta rahe ġham se vafā ke maare
ġham ne kyā jāniye kyūñkar hameñ chāhā hogā

baiThe hue haiñ bāda-kashān-e-vafā ḳhamosh
ehsās-e-talḳh-kāmi-e-yārāñ kiye hue

har ek aañkh meñ chaḌhtā huā anā kā nasha
har ek harf-e-vafā se mukar ga.ī duniyā