English
Favourite
Favourite
UrduShayarUrduShayar
Expand menu
Sign inAccount

Tags-Wafa

vafā ke baab meñ is kī to kuchh kamī na huī
maiñ aap apnī ḳhushī se ye baazī haar gayā
Ghazal
 yahi nahin ki wo be-tab-o-be-qarar gaya
kiye dast-o-pā gum jo 'mīr' aa gayā
vafā-pesha majlis use pā ga.ī
Ghazal
 hamein aamad-e-mir kal bha gai
vafā ko bhī mirī hamdam jafā hī jo samajhte haiñ
mujhe ma.alūm hai ik din unheñ sharmindagī hogī
Ghazal
 kahani meri barbaadi ki jis ne bhi suni hogi
zindagī pyaar vafā sab kā muqaddar yaksāñ
muskurāhaT kī tarah hai kabhī aañsū kī tarah
Ghazal
 ho ke bechain main bhaga kiya aahu ki tarah
vo tirā rañg-e-vafā ho ki tirā tarz-e-jafā
maiñ har ik rañg meñ tasvīr-e-tamannā niklā
Ghazal
 sath ghurbat mein koi ghair na apna nikla
tū ne ham se kalām bhī chhoḌā arz-e-vafā ke sunte hī
pahle kaun qarīb thā ham se ab to aur ba.iid huā
Ghazal
 dekh hamari did ke karan kaisa qabil-e-did hua
vafā ke silsile meñ ho hī jaatī hai ġhalat-fahmī
vo bahkā.e ga.e se haiñ na ham bahke hue se haiñ
Ghazal
 nazar hairat-zada si hai qadam bahke hue se hain
udhar thā lafz-e-vafā jaise hukm-e-shāhāna
mirī zabān pe aayā to iltimās huā
Ghazal
 kabhi kisi ko na ahd-e-wafa ka pas hua
kabhī kisī ko na ahd-e-vafā kā paas huā
sahar kā ḳhvāb añdheroñ se rū-shanās huā
Ghazal
 kabhi kisi ko na ahd-e-wafa ka pas hua
marāhil-e-ġham-e-hastī kī uljhaneñ tauba
kahīñ vafā kā kahīñ zindagī kā paas huā
Ghazal
 kabhi kisi ko na ahd-e-wafa ka pas hua
merī ayyār nigāhoñ se vafā māñgtā hai
vo bhī mohtāj milā vo bhī savālī niklā
Ghazal
 jaan pyari thi magar jaan se be-zari thi
karbalā to aaj bhī miltā hai har har gaam par
shahar meñ lekin husain-e-bā-vafā koī nahīñ
Ghazal
 dil ke darwaze pe dastak ki sada koi nahin
dil meñ zarā ḳhulūs na mehr-o-vafā kā rañg
rasman bahut aziiz bahut aqrabā mile
Ghazal
 naddi ye jaise mauj mein dariya se ja mile
vafā kā rāhbar hai tūda-e-ḳhākī kī jaan us ko
kamāñ-kash dil hai aage ik zarā hushiyār ho jaanā
Ghazal
 takalluf hai murad-e-dil ka dil par bar ho jaana
sunā do ahl-e-vafā ko ye falsafa 'qaisar'
junūñ ne hosh kī duniyā ko āgahī baḳhshī
Ghazal
 teri nazar ke ishaaron ko dil-kashi baKHshi
sukūn-e-tūl-e-vafā hai talab kī kotāhī
ki lams-e-yād dhaḌaktī jasārateñ māñge
Ghazal
 mizaj-e-sahal-talab apna ruKHsaten mange
jo kuchh na dekhnā thā so vo dekhnā paḌā
us bevafā se pahle the kyā dekh kar mile
Ghazal
 ek baat par bigDe gae na jo umr-bhar mile
jo ki haqq-e-vafā bajā laa.e
shāhid allāh hai gavāh ho tum
Ghazal
 ghairat-e-mahr rashk-e-mah ho tum
bajā ki ḳhū-e-vafā ek bhī hasīñ meñ nahīñ
kahāñ ke ham bhī vafādār aao sach boleñ
Ghazal
 khula hai jhuT ka bazar aao sach bolen
tū vafā-shanās zarūr hai ye tamām apnā qusūr hai
ye ajab junūñ kā ġhurūr hai tire āstāñ pe na jā sake
Ghazal
 jo shikayat-e-gham-e-zindagi kabhi lab par apne na la sake
Top Urdushayar.com