Tags-Wafa

mausam-e-ḳhushk huā tez magar va.ada rahā
surḳh phūloñ ke liye nām-e-vafā lā.ūñgā

maiñ jo pāband-e-vafā huuñ tū vafā zinda hai
maiñ isī tarz-e-riyāzat kā sila lā.ūñgā

tum aur vafā karo ye na mānūñgā maiñ kabhī
us ko fareb do jo tumheñ jāntā na ho

qadam qadam pe bapā jashn-e-imtihān-e-vafā
tirī tarah koī dard-āshnā na ho jaa.e

fazā-e-ishq ko mātam-gusār chhoḌ gayā
jahāñ meñ naqsh-e-vafā yādgār chhoḌ gayā

mohabbat chāhte ho kyuuñ vafā kyuuñ māñgte ho
tum un bīmār āñkhoñ se davā kyuuñ māñgte ho

nādān dil-fareb mohabbat na khā kabhī
duniyā meñ kis ne kī hai kisī se vafā kabhī

mire ba.ad sahegā na koī bhī ġham na uThegā kisī se ye rañj-o-alam
karo tark tum aaj se zulm-o-sitam tumheñ apnī hī mehr-o-vafā kī qasam

merī har sa.ī-e-vafā ho ga.ī be-kār magar
dil meñ phir bhī mire baḌhte hue armāñ kyuuñ haiñ

shīrāza-e-hayāt bikhar jā.egā mirā
ai sañg-zād shīsha-e-ahd-e-vafā na toḌ

yahī manzileñ haiñ vo manzileñ ki jahannam un se panāh le
dil-e-nā-shanās-e-rah-e-vafā mujhe koī ḳhauf-o-ḳhatar nahīñ

maiñ ne jo kahā tuḳhm-e-vafā haiñ mire aañsū
kahne lage miTTī meñ unheñ daab na aa.e

kah diyā yuuñ hī bevafā mujh ko
baat āḳhir hai kyā batā mujh ko

satīz-e-naqsh-e-vafā thā ta.alluq-e-yārāñ
vo zaḳhma-e-rag-e-jāñ chheḌ chheḌ jaate the

ab vafā rañg-e-tamāshā koī chehra na rahā
apnī āñkhoñ kī chamak par bhī bharosā na rahā

vafā kī nazr hai merī hī jān-e-hasrat-ālūda
asar kī qadr hai merī hī āh-e-qāfila-zan tak

dasht-e-vafā meñ Thokareñ khāne kā shauq thā
ab har qadam pe uḌtī hai kaalī harī havā

āñkhoñ meñ ashk lab pe fuġhāñ dil figār sā
rāh-e-vafā meñ jiine kā sāmān dekhnā

māshūqoñ se ummīd-e-vafā rakhte ho 'nāsiḳh'
nādāñ koī duniyā meñ nahīñ tum se ziyāda

gar ehtirām-e-rasm-e-vafā hai to ai ḳhudā
ye ehtirām-e-rasm-e-kohan mujh se chhīn le