Tags-Wafa

aaj tak bhī na samajh paayā maiñ āñkhoñ meñ tirī
makr-e-rañgīñ thā ki phir rañg-e-vafā thā kyā thā

'faiz' un ko hai taqāzā-e-vafā ham se jinheñ
āshnā ke naam se pyārā hai begāne kā naam

muskurāte haiñ dekh dekh ke log
imtihān-e-vafā hai phir shāyad

bevafā lauT ke aa dekh mirā jazba-e-ishq
āñsuoñ se tirī tasvīr banā laayā huuñ

maiñ falak se aa.ī ḳhatā mirī use DhūñDnā hai vafā mirī
ye jafā kī jo haiñ haqīqateñ mirī aañkh ko vo dikhā piyā

garmī-e-koshish-e-jafā kab tak
dāvā-e-shohrat-e-vafā kab tak

ai sitam-āzmā jafā kab tak
kushta-e-zindagī vafā kab tak

vo sanam ḳhūgar-e-vafā na huā
ye bhī achchhā huā burā na huā

baat ye tere sivā aur bhalā kis se kareñ
tū jafā-kār huā hai to vafā kis se kareñ

ik āñ.suoñ kā samundar thā jal-parī kā libās
milā to aaise milā paikar-e-vafā koī

dam-e-ahd-o-vafā Thahrā na un ke sāmne koī
sivā mere to maiñ kis dil se kahtā ho nahīñ saktā

ik lafz yaad thā mujhe tark-e-vafā magar
bhūlā huā huuñ Thokareñ khāne ke ba.ad bhī

zehn meñ ubhre the yuuñ hī bevafā yāroñ ke naam
likhte likhte kyuuñ qalam ne raushnā.ī chhoḌ dī

sadā-e-ahd-e-vafā ko zavāl kyuuñ aayā
lab-e-sukūt pe harf-e-savāl kyuuñ aayā

ba-dāvā-e-vafā kyuuñ shikva-sanj-e-jaur hai 'hasrat'
dayār-e-shauq meñ ai mahv-e-ġham aisā bhī hotā hai

mire pās-e-vafā kī bad-gumānī hai ba-jā tum se
kahīñ be-vaj.h iz.hār-e-karam aisā bhī hotā hai

is adū-e-jāñ ko 'amjad' maiñ burā kaise kahūñ
jab bhī aayā sāmne vo bevafā achchhā lagā

is ahd se vafā kā sila marg-e-rā.egāñ
us kī fazā meñ har ghaḌī khone kā rañg hai

yaad aatā hai mujhe vo do gul-e-bāġh-e-vafā
ashk karte haiñ makāñ gosha-e-dāmān meñ aa