Tags-Wafa

haañ hamārī nibh to saktī thī magar kaise nibhe
apnī ḳhuddārī meñ ham aur vo vafā nā-āshnā

bār-e-hirmān-o-gul-o-dāġh nahīñ apne saath
shajar-e-bāġh-e-vafā phūle phale jaate haiñ

yahī masdūd hai kuchh rāh-e-vafā varna baham
sab kahīñ naama o paiġhām chale jaate haiñ

ham to majbūr-e-vafā haiñ magar ai jān-e-jahāñ
apne ushshāq se aise bhī koī kartā hai

tark-e-mohabbat apnī ḳhatā ho aisā bhī ho saktā hai
vo ab bhī pāband-e-vafā ho aisā bhī ho saktā hai

be-vafāoñ ko bā-vafā kahnā
aap kī baat vaah kyā kahnā

ab chhoḌ do tazkira vafā kā
ye baat bhī aam ho ga.ī hai

rakhtā hai qadam is kūcha meñ zarre haiñ qayāmat-zā jis ke
anjām-e-vafā hai nazroñ meñ āġhāz hī se dukh sahnā hai

āmad-e-dost kī naved kū-e-vafā meñ aam thī
maiñ ne bhī ik charāġh sā dil sar-e-shām rakh diyā

yā vafā hī na thī zamāne meñ
yā magar dostoñ ne kī hī nahīñ

phir ham samajhte mil ga.ī ham ko vafā kī daad
rūdād-e-ishq sunte jo un kī zabāñ se ham

tum vafā kā evaz jafā samjhe
ai buto tum se bas ḳhudā samjhe

mazā aatā kisī sūrat agar tark-e-vafā hotā
tumhārī tarah maiñ bhī be-vafā hotā to kyā hotā

yahāñ aaTh pahar jins se vafā ham ne dikhā.ī
dekhā na ḳharīdār to nā-chār bahut kī

vafā ke zaḳhm ham dhone na paa.e
bahut ro.e magar rone na paa.e

jaisā bhejā hai mujhe aap ne paiġhām-e-vafā
aise naame to ka.ī Daak meñ aa jaate haiñ

kisī se kuchh bhī shikāyat karūñ to kyā hāsil
milā na koī vafā-āshnā zamāne meñ

vafā kī pyaar kī ġham kī kahāniyāñ likh kar
sahar ke haath meñ dil kī kitāb detā huuñ

zamāna kyā huā ab jo nazar nahīñ aate
vafā kī pyaar kī bīnā.ī bāñTne vaale