Tags-Wafa

kyuuñ jāda-e-vafā par mish.al-ba-kaf khaḌe ho
is sail-e-tīrgī meñ niklegā kaun ghar se

aap kā ġham hai aap se behtar
vo kabhī ham se be-vafā na huā

kal tirī bazm kā har ek tarahdār-e-vafā
lazzat-e-rashk se mahrūm huā mere ba.ad

aur bhī ā.eñge kuchh ahl-e-vafā mere ba.ad
aur bhī nikhregī duniyā kī fazā mere ba.ad

ġhair se lenā imtihān-e-vafā
ye jafā mujh par az-sar-e-nau hai

hai ye 'joshish' vafā-sarishtoñ meñ
tū jo kahtā hai bevafā tū hai

payambaroñ se zamīneñ vafā nahīñ kartīñ
ham aise kaun ḳhudā the ki apne ghar rahte

bevafā ke va.ade par e.atibār karte haiñ
vo na aa.egā phir bhī intizār karte haiñ

vaañ bū-e-vafā vahm ko sah chand karegī
yaañ rañg-e-taġhāful pe gumāñ aur bhī hoñge

phirtā rahā huuñ kū-e-vafā meñ tamām umr
lekin kahīñ bhī koī shanāsā nahīñ milā

bevafā to vo ḳhair thā 'amjad'
lekin us meñ kahīñ vafā bhī thī

gard-bād-e-vafā se pahle tak
sar pe ḳhema bhī thā ridā bhī thī

kuchh to the dost bhī vafā-dushman
kuchh mirī aañkh meñ hayā bhī thī

vafā ke saath mohabbat meñ naam paidā kar
yūñhī jahāñ meñ qayām-e-davām paidā kar

paiġhām-e-rihā.ī diyā har chand qazā ne
dekhā bhī na us samt asīrān-e-vafā ne

dil-o-jigar ḳhuun ho chuke haiñ hamāre lab par magar hañsī hai
ham apne afsāna-e-vafā ko kuchh aur rañgīñ banā rahe haiñ

vafā kā zikr agar aa.e us kī mahfil meñ
to baat jo bhī ho jaisī ho bas hamārī hai

sar-e-sat.h-e-reg likhī huī koī dāstān-e-junūñ milī
sar-e-lauh-e-āb banā huā koī naqsh-e-kār-e-vafā milā

'vajd' ham ab tak na samjhe ramz-e-takmīl-e-vafā
dam ghuTā rātoñ ko aksar jaan aadhī ho ga.ī

dil par sitam hazār kare bevafā ke lab
barchhī kabhī kaTār lage dilrubā ke lab