Tags-Wafa

'hasrat' jo sun rahe haiñ vo ahl-e-vafā kā haal
is meñ bhī kuchh fareb tirī dāstāñ ke haiñ

'bashīr' maiñ use kis tarha be-vafā kah duuñ
nigāh ban ke jo is dil ke aas paas rahā

rāh-e-vafā par chalnā mushkil
har-sū kāñTe har-sū patthar

pūchh us se jo ravāna hue kaaT kar mujhe
rāh-e-vafā meñ shāḳh-e-sanobar bhī maiñ hī thā

tark-e-ta.alluq kar ke zabāñ se dil kā jiinā mushkil hai
ye kaisā āhañg-e-vafā hai tum bhī chup ho ham bhī chup

jab tak rāh-e-vafā thī sīdhī zor-e-bayāñ thā aish-e-safar
shāyad koī moḌ aayā hai tum bhī chup ho ham bhī chup

har-chand tirā ahd-e-vafā bhuul ga.e ham
vo kashmakash-e-sabr-talab yaad rahegī

kaTne na diyā sahn se is vāste 'tāsīr'
ḳhushbu-e-vafā aatī hai is būḌhe shajar se

log kyā kyā na ga.e toḌ ke paimān-e-vafā
dil kī dhaḌkan ne magar saath diyā shahr-ba-shahr

suntā huuñ husn mā.il-e-mehr-o-vafā hai ab
ai iḳhtiyār-e-ishq vo majbūr to huā

jafā par sabr sīkhā hai vafā par jaan jaatī hai
yahī hai aur kis ko tohmat-e-mardāna kahte haiñ

kisī ahd-e-vafā kā haath thāme
koī ik moḌ par rotā rahā thā

tum ne bhulā diyā to na.ī baat kyā huī
rahtī haiñ yaad kis ko vafā kī kahāniyāñ

dil-e-muztar vafā ke baab meñ ye jald-bāzī kyā
zarā ruk jaa.eñ aur dekheñ natīja kyā nikaltā hai

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

jafā un kī vafā-parvar vafā merī jafā-parvar
vo un ko umr-bhar karnā ye mujh ko umr-bhar karnā

us kī bātoñ meñ agarche thī vafā kī ḳhushbū
der phir bhī na lagī dhokā mujhe khāne meñ

nikal ke din kī tamāzatoñ se vafā kā sūraj
huā hai ḳhuuñ kis tarah sar-e-shām kaun jaane

kal par hī rakho vafā kī bāteñ
maiñ aaj bahut bojhā huā huuñ

chalegī baat jahāñ terī kaj-adā.ī kī
mirī vafā bhī to mauzū-e-guftugū hogī