Tags-Wafa

abhī jaleñge yahāñ aur be-ruḳhī ke charāġh
is anjuman meñ vafā aur surḳh-rū hogī

aisī mushkil to nahīñ dasht-e-vafā kī tasḳhīr
sar meñ saudā bhī to ho dil meñ irāda bhī to ho

ham gadāyān-e-vafā jānte haiñ ai dar-e-husn
umr bhar kār-e-nadāmat pe nadāmat karnā

udhar bhī ahd-e-vafā ke TukḌe khaTak ke pahlū meñ so chuke haiñ
yahāñ bhī TuuTe hue sahāroñ kī yaad sī rah ga.ī hai baaqī

ġham-e-vafā kahne sunñe vaale kahāñ ga.e ahl-e-dil na jaane
tumhārī ulfat ke rāz-dāroñ kī yaad sī rah ga.ī hai baaqī

gul kar na de charāġh-e-vafā hijr kī havā
tūl-e-shab-e-alam mujhe patthar banā na de

hairat se tak rahā hai jahān-e-vafā mujhe
tum ne banā diyā hai mohabbat meñ kyā mujhe

hai ek shart vafā kī vo qaid-e-be-zanjīr
sab iḳhtiyār haiñ aur kuchh bhī iḳhtiyār kahāñ

zindagī tujh se vafā kī ḳhātir
dil kī āvāz sunā kartā huuñ

maiñ vafā bhī karūñ gile bhī karūñ
mujh ko hotā hai ye burā ma.alūm

ḳhvāb-e-vafā āñkhoñ meñ basā.e phirtā hai kyā dīvāne
ta.abīreñ pathrāv kareñgī jab tū ḳhvāb sunā.egā

hamārī rāst-goī kaam aa.ī
vafā honā thā va.ada ho rahā hai

paḌhiye sabaq yahī hai vafā kī kitāb kā
kāñTe karā rahe haiñ ta.āruf gulāb kā

vafā īsār qurbānī vahāñ ab log kyā jāneñ
jahāñ nīlām hote zarf-o-ḳhuddārī kī bāteñ haiñ

ham arz-e-vafā bhī kar na sake kuchh kah na sake kuchh sun na sake
yaañ ham ne zabāñ hī kholī thī vaañ aañkh jhukī sharmā bhī ga.e

'hāfiz' ik iztirāb-e-musalsal hai zindagī
is manzil-e-vafā meñ kahīñ pech-o-ḳham nahīñ

mohabbatoñ kī vafā-kesh bārishoñ se na ruuTh
kisī se ruuTh magar apne dostoñ se na ruuTh

merī sab āzādiyāñ banda-navāzī par nisār
ai ḳhoshā qaid-e-vafā zanjīr pahnāte ho tum

dil mutma.in hai harf-e-vafā ke baġhair bhī
raushan hai raah nūr-e-sadā ke baġhair bhī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ