Tags-Wafa

rabt-e-bāham thā faqat lafz-o-bayāñ kā irtibāt
hai koī rasm-e-vafā bhī darmiyāñ samjhā thā maiñ

ḳhār-e-mizhgān-e-kushtagān-e-vafā
vaañ haiñ uftāda jā-ba-jā qāsid

aisī to 'nizām' un kī na aadat thī vafā kī
vo jaane na jaane ye hai tāsīr kisī kī

ḳhulūs-e-ahd-e-vafā sāzgār aa.egā
kabhī to marhala-e-e'tibār aa.egā

haikal-e-laḳht-e-dil meñ harf-e-vafā
murshid-e-ishq kī ināyat hai

sañg-bārī meñ ye shīshe kā makāñ kis kā hai
is dar-o-bām meñ ḳhushbu-e-vafā kaisī hai

agar na zohra-jabīnoñ ko be-vafā kahiye
to phir taġhāful-e-paiham pe un ko kyā kahiye

yahī vafā kā hai dastūr bhī taqāzā bhī
ki har jafā ko sitamgār kī adā kahiye

un se shikva hai kyā gilā kyā hai
jo nahīñ jānte vafā kyā hai

us sañg-e-dil ke paas kahāñ the vafā ke phuul
'anvar-sadīd' jis ko sadā pūjtā rahā

ek paikār hai ḳhud se jise kahte haiñ vafā
husn-e-nā-karda tamannā ko vafā kyā ma.alūm

aatī hai pichhle pahar bas dil dhaḌakne kī sadā
rāz-dārān-e-vafā āh-o-fuġhāñ kyuuñ kar kareñ

jab bhī koī bhaTak ke sar-e-rāh aa gayā
kitnī kaThin hai rāh-e-vafā sochnā paḌā

aur vo pās-e-vafā kar na sake
aur ham pās-e-vafā karte rahe

baḌī zālim nihāyat bevafā hai
ye duniyā phir bhī kitnī ḳhushnumā hai

phir is duniyā se ummīd-e-vafā hai
tujhe ai zindagī kyā ho gayā hai

vo tīrgī hai dasht-e-vafā meñ ki al-amāñ
chamke jo mauj-e-reg to paa.e laqab charāġh

ta.ajjub kyā agar rasm-e-vafā yuuñ bhī hai aur yuuñ bhī
ki husn o ishq kā har mas.ala yuuñ bhī hai aur yuuñ bhī

ye maut na thī qudrat ne tire sar par rakkhā ik tāj-e-hayāt
thī ziist tirī merāj-e-vafā aur maut tirī merāj-e-hayāt

maiñ bhī kuchh ḳhush nahīñ vafā kar ke
tum ne achchhā kiyā nibāh na kī