Tags-Wafa

mumkin hai naala jabr se ruk bhī sake agar
ham par to hai vafā kā taqāzā jafā ke ba.ad

tirī manzil-e-vafā meñ huā ḳhud se āshnā maiñ
tirī yaad kā karam hai ki yahī hai dost dushman

yaqīñ mujhe bhī hai vo ā.eñge zarūr magar
vafā karegī kahāñ tak ki zindagī hī to hai

dībācha-e-kitāb-e-vafā hai tamām umr
ik lamha-e-shu.ūr-e-fanā hai tamām umr

ye shahr-e-sañg hai shahr-e-vafā nahīñ hai ye
agar nikalnā hai hosh-o-havās se niklo

ḳhāk-e-dasht-e-vafā thī ruḳh par varna koī baat na thī
aa.ina apnā dhuñdlā pā kar kitne hairāñ aap hue

visāl hijr vafā fikr dard majbūrī
zarā sī umr meñ kitne zamāne aate haiñ

maiñ ne jin ke liye rāhoñ meñ bichhāyā thā lahū
ham se kahte haiñ vahī ahd-e-vafā yaad nahīñ

har ek kahtā hai rāh-e-vafā hai nā-hamvār
magar ḳhulūs se ik aadmī chalā bhī nahīñ

ye Thiik hai ki vafā se nahīñ lagāv use
magar sitam to yahī hai ki bevafā bhī nahīñ

hasrat-e-lazzat-e-āzār rahī jaatī hai
jāda-e-rāh-e-vafā juz dam-e-shamshīr nahīñ

ġham ke māroñ pe bhī ai dāvar-e-hashr ek nazar
aaj to faisla-e-ahal-e-vafā ho jaatā

sab kuchh aatā hai tū nahīñ aatā
gar vafā sīm-bar nahīñ aatī

detā huuñ kaise jaan sar-e-jāda-e-vafā
mujh ko na dekhnā mirā pindār dekhnā

ham to tamām umr tirī hī adā rahe
ye kyā huā ki phir bhī hamīñ bevafā rahe

jin kī fitrat nā-shanās-e-zauq-e-mohkam hai 'urūj'
maiñ unheñ ye kaise samjhā.ūñ vafā kyā chiiz hai

is ke ma.anī ḳhud-pasandī ke sivā kuchh bhī nahīñ
dil meñ paiham ḳhvāhish-e-dād-e-vafā kyā chiiz hai

kisī ko sāda-dilī kā badla milā hī kab hai jo ab milegā
vafā bhī duniyā meñ ek shai hai magar vo ab mo'atabar nahīñ hai

apne ahd-e-vafā ko bhuul ga.e
tum to bilkul ḳhudā ko bhuul ga.e

maiñ intizār kī taqdīs tū shikast-e-vafā
tū dā.eroñ kā makīñ dard-e-lā-makāñ sā maiñ