Tags-Wafa

vafā ke tishnagī ke aur kuchh ma.asūm va.adoñ ke
ye saare qarz dekho ham lab-e-dariyā utaar aa.e

tum se bhī jin kā ahd-e-vafā ustuvār thā
ai dushmanoñ vo dost hamāre kahāñ ga.e

tirī be-ruḳhī pe zālim mirā jī ye chāhtā hai
ki vafā kā mere lab par kabhī naam tak na pahuñche

dil ke dar par qufl paḌā hai tum bhī chup ho ham bhī chup
ḳhāmoshī ab shart-e-vafā hai tum bhī chup ho ham bhī chup

bevafā.ī bhī vafā hī kī tarah kī us ne
aise insān se karte to gila kyā karte

ab vafā kā subūt kyā duuñ maiñ
saarī duniyā kaho bhulā duuñ maiñ

kaifiyat dard-e-tamannā kī vahī hai ki jo thī
terā iz.hār-e-vafā bhī dam-e-īsā na huā

us ke hāthoñ meñ amānat thī vatan kī zindagī
ik amīn-e-bā-vafā thā doctor-zākir-husain

haañ vo nahīñ ḳhudā-parast jaao vo bevafā sahī
jis ko ho diin o dil aziiz us kī galī meñ jaa.e kyuuñ

merī vafā hai us kī udāsī kā ek baab
muddat huī hai jis se mujhe ab mile hue

dāman-e-ahd-e-vafā kyā thā maiñ
dil hī hāthoñ se jo niklā jaa.e

sau ḳhulūs bātoñ meñ sab karam ḳhayāloñ meñ
bas zarā vafā kam hai tere shahr vāloñ meñ

tark-e-vafā ke ba.ad milā to jab ma.alūm huā
is meñ kitne rañg the us ke kaun hamārā thā

dekhtī hī rahī ye aql tamāshā-e-junūñ
jab bhī majbūr kiyā ahd-e-vafā ham ko

dard aisā diyā ehsās-e-vafā ne ham ko
na davā ne hī shifā dī na duā ne ham ko

jaañ dene ke daave hoñ ki paimān-e-vafā ho
jī meñ to ye aatā hai ki ab ham bhī mukar jaa.eñ

dard kī sūrat meñ vo umda sā tohfa de gayā
bevafā duniyā meñ jiine kā sahārā de gayā

maiñ chalā to huuñ sunāne use dāstāñ vafā kī
koī hādisa huā to mujhe log kyā kaheñge

tujhe zindagī kahā hai tū hai zindagī kā hāsil
tujhe bevafā kahā to mujhe log kyā kaheñge