Tags-Wafa

kahāñ hai jazbe mohabbatoñ ke kahāñ hai rasm-e-vafā-parastī
milī thī tahzīb kī badaulat vahī mohabbat to ghaT rahī hai

chhoḌ 'shāhīñ' vafā kā tū ab tazkira
bevafā hai ḳhushī bā-vafā dard hai

maiñ ne pūchhā vafā kā sila jo kabhī
us ne hañs kar ye mujh se kahā dard hai

ye shakeb se nahīñ āshnā ise kuchh vafā se ġharaz nahīñ
yahī raaz hai yahī vaj.h hai jo dil-e-tapāñ se gurez hai

haañ ye bhī tarīqa achchhā hai tum ḳhvāb meñ milte ho mujh se
aate bhī nahīñ ġham-ḳhāne tak va.ada bhī vafā ho jaatā hai

duniyā ke sitam yaad na apnī hī vafā yaad
ab mujh ko nahīñ kuchh bhī mohabbat ke sivā yaad

vo chalā jā.egā mujh se kar ke iqrār-e-vafā
toḌ jā.egā safīna bādbāñ le jā.egā

be-muravvat ho bevafā ho tum
apne matlab ke āshnā ho tum

zindagī kyā hai jo dil ho tashna-e-zauq-e-vafā
ya.anī ye parda to uTh saktā hai āsānī ke saath

bikharnā TūTnā bhī aur anā ke saath bhī rahnā
sitam ījād bhī karnā vafā ke saath bhī rahnā

chale kabhī kabhī udhar se azmatoñ ke qāfile
vafā kā azm jin se pā.edār kar liyā gayā

rah-e-vafā meñ rahe ye nishān-e-ḳhātir bas
baġhair naam ho mazkūr har musāfir bas

be-vafā un kā laqab hai bā-vafā merā ḳhitāb
vo hai tīnat kī ḳharābī ye hai ulfat kā asar

U.S.A shikva-e-arbāb-e-vafā bhī sun le
tālib-e-aiD se thoḌā sā gila bhī sun le

maiñ aur tū haiñ donoñ majbūr-e-taur apne
pesha tirā jafā hai sheva mirā vafā hai

kisī ko yūñhī vafāoñ se mat navāzā kar
ki be-vafā pe vafā kā asar nahīñ hotā

bas ek dil hai yahāñ vāqif-e-nasheb-o-farāz
vafā kī raah meñ rahbar kā intizār na kar

ham vafā kī umiid kyā rakkheñ
kis meñ hogī jo aap hī meñ nahīñ

tazkira hī vafā kā suntā huuñ
ye kisī meñ hai yā kisī meñ nahīñ

ai vafā-begāna thā tū bhī to ham se āshnā
vo vafā kīdhar ga.ī vo āshnā.ī kyā huī