Tags-Wafa

ik be-vafā pe kar ke tasadduq dil-o-jigar
'bahzād' ham ne ḳhud ko pareshāñ banā liyā

ik bevafā ko dard kā darmāñ banā liyā
ham ne to aah kufr ko īmāñ banā liyā

tabdīl huī āb-o-havā shahr-e-vafā kī
ab dard kā tūfān idhar se nahīñ uThtā

ab koī silsila nahīñ baaqī
dostoñ meñ vafā nahīñ baaqī

kabhī is taraf bhī guzar karo kabhī is taraf bhī nazar karo
maiñ faqīr-e-gul-kada-e-vafā mire barg-e-sāz ye ḳhār-o-ḳhas

va.ada aane kā vafā kiije ye kyā andāz hai
tum ne kyuuñ sauñpī hai mere ghar kī darbānī mujhe

so malak phirā lekin paa.ī na vafā ik jā
jī khā ga.ī hai merā is jins kī nāyābī

ḳhudā ne kaam diye haiñ judā judā sab ko
sanam jafā ke liye haiñ to ham vafā ke liye

ham bhī qaa.el haiñ vafā meñ ustuvārī ke magar
koī pūchhe kaun kis ko umr bhar achchhā lagā

mirī samt mahfil-e-ġhair meñ vo adā-e-nāz se dekhnā
jo ḳhatā-e-ishq kī hai sazā to mirī vafā kā sila bhī hai

gila is kā nahīñ kyuuñ tum ne mujh se apnā muñh moḌā
nahīñ qaabū thā apne dil pe paimān-e-vafā toḌā

mirā dayār hai mehr-o-vafā kā gahvāra
adū-e-mehr-o-mohabbat kā hai magar madfan

jaan de kar liyā hai nām-e-vafā
maut bhī ham ne mol lī hī sahī

hai agar kuchh vafā to kyā kahne
kuchh nahīñ hai to dil lagī hī sahī

jo bhī mutāliba huā uzr zarā nahīñ kiyā
ab to nahīñ kahoge tum va.ada vafā nahīñ kiyā

azm puḳhta hī sahī tark-e-vafā kā lekin
muntazir huuñ koī aa kar mujhe samjhā.egā

tum is dayār meñ insāñ ko DhūñDhtī ho jahāñ
vafā mile to ba-ehsās-e-mujrimāna mile

ham to terī jafā ke bande haiñ
tujh meñ rasm-e-vafā nahīñ to na ho

jaane vo kaun log the jo kar ga.e vafā
tum se to ho sakī na zarā dilbarī abhī

tujhe faḳhr apne sitam pe hai ki asā-e-rāh-numā banā
mujhe naaz apnī vafā pe hai ki charāġh-e-rāhguzar huī