Tags-Wafa

dil hai ajiib gul chaman-e-rozgār meñ
rañgat to phuul kī hai magar bū vafā kī hai

tū ne o bevafā kyā jaatī duniyā dekh lī
raah par aane lagā ahd-e-vafā hone lage

tumhāre naam se pahle hamārā naam aa.egā
jahāñ ishq-o-vafā ke silsile meñ guftugū hogī

kisī kā ḳhūn-e-nāhaq rā.egāñ to jā nahīñ saktā
vafā kā ruup nikhregā mohabbat surḳh-rū hogī

judā ho gayā hogā jab koī tum se diyā hogā jab tum ko dhokā kisī ne
hamārī vafā yaad aa.ī to hogī hameñ apne nazdīk paayā to hogā

kahāñ chale ho liye naqd-e-jān-o-dil 'sahbā'
ki kārobār-e-vafā shahr-e-dil-barāñ se uThā

bisān-e-naqsh-e-qadam tere dar se ahl-e-vafā
uThāte sar nahīñ hargiz tabāh ke maare

be-dilī shart-e-vafā Thahrī hai me.aar to dekh
maiñ burā aur mirā rañj na sahnā achchhā

kyā kabhī bevafā vo niklegā
dil ne jhaT se kahā nahīñ shāyad

ham haiñ lazzat-kash-e-gunāh-e-vafā
dosto ham ko sañgsār karo

rañg bharte haiñ vafā kā jo tasavvur meñ tire
tujh se achchhī tirī tasvīr banā lete haiñ

kuchh soch ke ummīd-e-vafā bāñdhte 'anjum'
chashme kī jagah kaise samundar nikal aa.e

rāh-e-amal meñ baazī āḳhir ik din tum hī jiit ga.e
ham ne vafā ik baar agar kī tum ne sitam sau baar kiyā

husn vafā ḳhuddārī ġhairat har ik kī nīlām huī
ham logoñ ne āḳhir ik din bastī ko bāzār kiyā

rañj-o-alam kī bastī meñ ham ab tak tanhā tanhā haiñ
tum se thī ummīd-e-vafā so tum ne bhī inkār kiyā

likkhā huā thā kal bhī vafā ke mazār par
aa.e ho dar pe dil ke to haule se kholiye

hameñ bhī aa paḌā hai dostoñ se kaam kuchh ya.anī
hamāre dostoñ ke be-vafā hone kā vaqt aayā

jo shakl dekho to bholī bholī jo bāteñ suniye to mīThī mīThī
dil aisā patthar ki sar aḌā de jo naam liije kisī vafā kā

vafā kā zikr to karte haiñ raat din sab log
vafā zamāne meñ lekin kahīñ rahī bhī hai