Tags-Wafa

koī sauġhāt-e-vafā de ke chalā jā.ūñgā
tujh ko jiine kī adā de ke chalā jā.ūñgā

us se jab ahd-e-vafā kar hī liyā hai 'ājiz'
be-vafā kah ke use ashk bahāte kyuuñ ho

na.e nizām kī buniyād toḌne vaale
vafā-shi.ār purāne talāsh karte haiñ

vafā ke naam se Dartā huuñ ai shah-e-ḳhūbāñ
tum aa.e bhī to nazar jānib subū kar lī

jins-e-vafā kā dahr meñ bāzār gir gayā
jab ishq faiz-e-husn kā hāmil nahīñ rahā

pyaar se aañkh bhar aatī hai kañval khilte haiñ
jab kabhī lab pe tirā nām-e-vafā aatā hai

ik rishta-e-vafā thā so kis nā-shanās se
ik dard hirz-e-jāñ thā so kis ke sile meñ thā

yādoñ ke mah-o-mehr tamannāoñ ke bādal
kyā kuchh na vo sauġhāt sar-e-dasht-e-vafā de

nākām sī rifāqateñ le kar kabhī yahāñ
dasht-e-vafā kī sair ko dilbar bhī ā.eñge

kahāñ hai tū vāda-e-vafā kar ke o mire bhuul jaane vaale
mujhe bachā le ki pā.emāl-e-qayāmat-e-intizār huuñ maiñ

sahe kyā kyā sitam aur ab talak bhī
tamannā hai vafā hai aur maiñ huuñ

mirī zid se milā phir dushmanoñ se
bas ab vo bevafā hai aur maiñ huuñ

surḳh-rū ahd-e-vafā se na huā ho farhād
bū-e-ḳhūñ hai jo sar-e-ḳhalvat-e-jam āvāra

kis kā dil ḳhuun nahīñ hai chaman-e-ālam meñ
pattī pattī se hameñ bū-e-vafā aa.ī hai

ajnabī ban ke hañsā kartī hai
zindagī kis se vafā kartī hai

ḳhayāl us bevafā kā ham-nashīñ itnā nahīñ achchhā
gumāñ rakhte the ham bhī ye ki ham se āshnā hogā

abas ye har-dam kā chauñknā hai abas ye uTh uTh ke dekhnā hai
bhalā vo aise hue the kis din vahī to va.ada vafā kareñge

likh kar vafā kā naam vo saada varaq pe aaj
puurī har ik kitāb kī tafsīl kar gayā

vo mujhe mashvara-e-tark-e-vafā dete the
ye mohabbat kī adā hai mujhe ma.alūm na thā

jahāñ ishq-o-junūñ husn-o-vafā kī rājdhānī thī
mohabbat masnad-ārā thī mohabbat pur-javānī thī