Tags-Wahm

is vahm meñ vo 'dāġh' ko marne nahīñ dete
māshūq na mil jaa.e kahīñ zer-e-zamīñ aur

aaj 'amjad' vahm hai mere liye jis kā vajūd
kal usī kā haath thāme ghūmtā phirtā thā maiñ

band thā darvāza bhī aur agar meñ bhī tanhā thā maiñ
vahm thā jaane mirā yā aap hī bolā thā meñ

tujh se qaa.em hai mirā silsila-e-vahm-o-yaqīñ
tujh ko dekhūñgā kisī roz sar-e-dār-e-ḳhayāl

utnā hī mujh ko apnī haqīqat se bod hai
jitnā ki vahm-e-ġhair se huuñ pech-o-tāb meñ

bas ab tamām ho ye vahm o e'tibār kā khel
bisāt ulaT dī sabhī saarā kaam kar liyā hai

nahīñ khultīñ āñkheñ tumhārī Tak ki ma.aal par bhī nazar karo
ye jo vahm kī sī numūd hai use ḳhuub dekho to ḳhvāb hai

koī aisī baat zarūr thī shab-e-va.ada vo jo na aa sakā
koī apnā vahm thā darmiyāñ yā ghaTā ne us ko Darā diyā

kyā us se kaheñ aur kaise kaheñ un rañg badaltī āñkhoñ se
kyā shauq umaDte haiñ dil meñ kyā vahm satā.e rakhte haiñ

ahd-e-pārīna meñ bhī
ziist par thā vahm kā kitnā asar

vahm tū hī ḳhalal-andāz huā hai varna
kaun juuyā nahīñ ai rahzan-e-īmāñ un kā

zalzala thā ki mirā vahm thā kuchh thā jis se
thartharā uTThe mire haath aur in ke nīche

zavāl aisā ki saare farāz past hue
nasheb-e-vahm bahut thā hadd-e-gumān ke baad

kasrat-ārā.i-e-vahdat hai parastārī-e-vahm
kar diyā kāfir in asnām-e-ḳhayālī ne mujhe

jalvat kā bharosa hai na ḳhalvat kī tavaqqo
sab vahm thā yāroñ ne jo taake the Thikāne

āsmāñ mujh se chhupātā hai koī sachchā.ī
yā koī vahm hai is ḳhvāb se miltā-jultā

ḳhyāl-e-vahm kī sūrat bhī kyā haqīqat thā
vo duur duur thā to kitnā ḳhūb-sūrat thā

vaañ bū-e-vafā vahm ko sah chand karegī
yaañ rañg-e-taġhāful pe gumāñ aur bhī hoñge

haa.e us minnat-kash-e-vahm-o-gumāñ kī justujū
zindagī jis ko na paa.e jo na paa.e zindagī