Tags-Wahshat

ābādiyoñ ko chhoḌ ke ḳhush ho gayā thā maiñ
sahrā bhī tañg hai mirī vahshat ke sāmne

zindagī sarḳhushī junūñ vahshat
maut ke naam kyuuñ badalte rahe

bastī bastī parbat parbat vahshat kī hai dhuup 'ziyā'
chāroñ jānib vīrānī hai dil kā ik vīrāna kyā

sadā.eñ dasht detā hai mujhe vahshat bulātī hai
so ḳhāk-e-ishq apne sar pe malnā chāhtā huuñ maiñ

aañkh ne vahshat oḌhī hai yā manzar meñ hairānī hai
dasht ne dāman jhaaḌ ke pūchhā ab kaisī vīrānī hai

chaak kī ḳhvāhish agar vahshat ba-uryānī kare
sub.h ke mānind zaḳhm-e-dil garebānī kare

vahshat sī ek lāla-e-ḳhūnīñ kafan se thī
ab ke bahār aa.ī to samjho ki ham ga.e

maiñ na aayā nazar savāloñ ko
ḳhaak itnī uḌaa.ī vahshat meñ

dasht-dar-dasht bikharte chale jaate haiñ 'shanās'
jaane kis ālam-e-vahshat meñ uThā.e ga.e ham

ai nizām-e-vahshat-afzā tere sannāToñ kī ḳhair
ik kiran hañsne lagī hai raat kī talvār par

saare jahāñ pe jab thā vahshat kā abr taarī
chashm-o-charāġh-e-ālam thī sar-zamīñ hamārī

ho sake kyā apnī vahshat kā ilaaj
mere kūche meñ bhī sahrā chāhiye

añdherā hijr kī vahshat kā raqs kartā hai
tamām raat mirī aañkh ke sitāre par

dāman jo hai parda-dār-e-vahshat
is meñ bhī ka.ī jagah rafū hai

aap ā.eñge to vahshat saath le kar ā.eñge
rāsta aatā hai mere ghar pe ik sunsān sā

tirī vahshat liye phirtī hai garm-e-justujū mujh ko
sukūñ-andoz hone kī bahut hai aarzū mujh ko

shahr ke ba.ad to sahrā thā miyāñ ḳhair huī
dasht ke paar bhalā kyā hai ki vahshat kar jaa.eñ

anjām-e-safar kyā honā hai ye faisla mustaqbil degā
maidānoñ pe vahshat aaj bhī hai rāhoñ ke vo pech-o-ḳham na sahī

kyuuñ har ik raah meñ vahshat sī barastī hai yahāñ
ek ik moḌ pe ye ḳhauf-o-ḳhatar kaisā hai

vahshat ham apnī ba.ad-e-fanā chhoḌ jaa.eñ
ab tum phiroge chaak garebāñ kiye hue