Tags-Wahshat

zulmateñ vahshat-e-fardā se niDhāl
DhūñDhtī phirtī haiñ ghar ḳhvāboñ kā

chhā.ī jaatī hai ye vahshat kaisī
ghar bayābān huā jaatā hai

sū-e-sahrā hī mujhe le ga.ī vahshat merī
tere dar par na huī aah sukūnat merī

ġhul sadā vādī-e-vahshat meñ rakhūñgā barpā
ai junūñ dekh mire paañv kī zanjīr na toḌ

vahshat ne mujh pe arsa-e-hastī kiyā jo tañg
ghabrā ke sū-e-ālam-e-bālā nikal gayā

jā chalī jā kahīñ maiñ chhup jā.ūñ
tab tū aanā maiñ jab kahūñ vahshat

chāhe jitnā sañvār luuñ ḳhud ko
ā.īne meñ magar lagūñ vahshat

hijr kaafī hai dil-lagī ke liye
ab maiñ terā bhī kyā banūñ vahshat

tum sunāo nā koī sher 'ahmad'
aaj jī kartā hai sunūñ vahshat

Dar ke baiThā huuñ sar-nigūñ vahshat
mujh ko batlā maiñ kyā karūñ vahshat

aaj titlī ke saath baiThak hai
aaj thoḌā mile sukūñ vahshat

dar khaTakne pe maiñ ne jab pūchhā
koī kahne lagā maiñ huuñ vahshat

maiñ dasht-e-vahshat kī ret huuñ aur tū ek dariyā
mirī ravānī tirī ravānī se muḳhtalif hai

vahshat-nasīb hai sar-o-sāmān-zindagī
ulfat meñ taar taar hai dāmān-zindagī

jab na un ke rāz-e-vahshat tak pahuñch paa.ī nazar
hosh vāloñ ne junūñ vāloñ ko rusvā kar diyā

'sahbā' kaun shikārī the tum vahshat-kesh ġhazāloñ ke
matvālī āñkhoñ ko tum ne āḳhir kaisā raam kiyā

mirā kamra misāl-e-dasht-e-vahshat
jahāñ ram-ḳhurda hirnī kho ga.ī hai

ruḳhsat ai vahshat-e-tanhā.ī-o-ġhurbat ruḳhsat
ḳhauf hī kyā hai jo hamrāh mire dil hogā

shiddat se haañp haañp ke murda sī ho chukī
vahshat-zada charāġh se khelī huī havā

bahut qarīne kī zindagī thī ajab qayāmat meñ aa basā huuñ
sukūn kī sub.h chāhtā thā so shām-e-vahshat meñ aa basā huuñ