Tags-Wahshat

mausam-e-hijr ke aane ke shikāyat nahīñ kī
ai mire dil tujhe kyā ho gayā vahshat nahīñ kī

dar-ba-dar phirte rahe ḳhaak uḌāte guzrī
vahshat-e-dil tire kyā aur bhī ehsāñ hoñge

mirī vahshat mire sahrā meñ un ko DhūñDhtī hai
jo the do-chār chehre jaane pahchāne se pahle

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

aaj phir shahr ke kūche nazar aate haiñ udaas
kis taraf le ga.ī vahshat tire dīvāne ko

mausam-e-gul na rahā dil na rahā jī na rahā
phir bhī vahshat kā vahī josh nazar aatā hai

jiddat-e-vahshat-e-sahrā ke liye lāzim hai
dasht ke beach ab ik shahr basāyā jaa.e

apnī vahshat se ḳhauf aatā hai
kab se vīrāñ hai andarūñ aa jā

vahshat-e-āsār-o-sukūñ soz nazāroñ ke sivā
aur sab kuchh hai gulistāñ meñ bahāroñ ke sivā

dil udhar maa.il huā hī thā ki vahshat baḌh ga.ī
us kī chāhat ko zarā ātish-ba-jāñ hone to do

phir vahī saudā vahī vahshat vahī tarz-e-jūn.un
haiñ nishāñ maujūd saare ishq kī tāsīr ke

ġham ke pahāḌoñ kuuñ sar par uThā.e haiñ vahshat ke panjoñ siiñ aahoñ ne merī
dil ke akhāḌe meñ ab kaun ham-sar hai un pahalvānoñ ke zoroñ kī mānind

haiñ yaad kab ai mirī vahshat ke rañg-Dhañg
majnūñ gayā hai dasht ko taqlīd se nikal

jism-o-jāñ meñ dar aa.ī is qadar aziyyat kyuuñ
zindagī bhalā tujh se ho rahī hai vahshat kyuuñ

aise āhu-e-ram-ḳhurda kī vahshat khonī mushkil thī
sehr kiyā e.ajāz kiyā jin logoñ ne tujh ko raam kiyā

sarzad ham se be-adabī to vahshat meñ bhī kam hī huī
kosoñ us kī or ga.e par sajda har har gaam kiyā

vahshat ke is nagar meñ vo qaus-e-quzah se log
jaane kahāñ se aa.e the jaane kidhar ga.e

purvā.ī chal ke aur bhī vahshat baḌhā ga.ī
halkī sī aa ga.ī thī kamī iztirāb meñ

hamāre josh-e-vahshat ne ye ham ko rañg dikhlāyā
na kuchh taqsīr laḌkoñ kī na kuchh taqsīr patthar kī

rañj-o-rāhat vasl-o-furqat hosh-o-vahshat kyā nahīñ
kaun kahtā hai ki rahne kī jagah duniyā nahīñ