Tags-Waqt

ik aisā vaqt bhī aatā hai zindagī meñ kabhī
jab apne saa.e se pīchhā chhuḌānā paḌtā hai

kahāñ ke dost kaise aqrabā jab vaqt paḌtā hai
musībat meñ kisī kī dostī se kuchh nahīñ hotā

ibādat meñ
ḳhudā ke vaqt meñ hisse kī ḳhvāhish

'safīr' is zindagī meñ vaqt bhī tevar badaltā
na ghabrāo kisī kī dushmanī se kuchh nahīñ hotā

mujhe har vaqt karte haiñ nasīhat
na jaane kyuuñ mire pīchhe paḌe haiñ

sukūt añdherā tahajjud kā vaqt raat charāġh
tumhāre paañv mire hoñT adā namāz aur ishq

tujh se duurī meñ bhī ḳhush rahtā huuñ pahle kī tarah
bas kisī vaqt burā lagtā hai tanhā honā

maiñ to logo sah luuñ har patthar kā jabr
vaqt kī shīshagarī sochegī kyā

terā har vaqt yuuñ nazar rakhnā
ye tirā e'tibār hai kyā hai

mauj-e-sadā-e-dil pe ravāñ hai hisār-e-zīst
jis vaqt tak hai muñh meñ zabāñ bolte raho

jo maiñ ne chheḌā hai raag 'nāqid' vo raag be-vaqt kā nahīñ hai
sahar ko chheḌī hai bhairavī to basant rut meñ malār gaayā

mujh ko us manzil se guzre kitnī muddat ho ga.ī
vaqt merī justujū meñ ab jahāñ hone ko hai

vaqt duniyā meñ phirātā hai dinoñ ko kyā kyā
dekh jo koh the vo ruuī ke gaale hue haiñ

salīb-e-vaqt pe tanhā khaḌā huuñ
ye saarā shahr mujh par hans rahā hai

pachhāḌeñ khā rahā huuñ loTtā huuñ dard-e-furqat se
ajal ke paañv TūTeñ kyuuñ nahīñ is vaqt aatī hai

ḳhizāñ ke zahr kā tiryāk agar nahīñ yaaro
guloñ kī baat hai be-vaqt rāgnī kī tarah

vaqt-e-āḳhir aur ye qaul-e-vafā
dam vo dete ho ki bas tauba bhalī

vaqt ne qatroñ ko samjhā hai samundar kī tarah
jo samundar thā hamesha chand qatroñ meñ rahā

ham ne vaqt ko
ghaḌī meñ qaid kar diyā hai

umr saarī rāstoñ meñ kaT ga.ī
vaqt ab aayā hai ab jaate haiñ ghar