Tags-Waqt

hai kaam ke vaqt kaam achchhā
aur khel ke vaqt khel zebā

ho chukā vasl vaqt-e-ruḳhsat hai
ai ajal jald aa ki fursat hai

sachchā.iyāñ apne vaqt meñ
kabhī jī nahīñ pātīñ

kabhī kabhī nazar aa.ī umiid bhī 'shahzād'
hamārā vaqt kabhī ek sā nahīñ guzrā

raah chaltā huuñ irādoñ ke saath shauq ke saath murādoñ ke saath
paañv hote haiñ qarīb-e-manzil vaqt hāthoñ se nikal jaatā hai

kuchh un pe ġhaur kar jo taqāze haiñ vaqt ke
un se nibāh kar ki zamāna ḳharāb hai

bahnā paḌegā vaqt ke dhāre ke saath saath
ban us kā ham-safar ki zamāna ḳharāb hai

fasl chāñdī kī ugānā sar par
vaqt kī jādūgarī ho jaise

zaḳhm khā ke ḳhandāñ haiñ pairahan-darīda ham
zindagī kā nauha ham vaqt kā qasīda ham

shā.irī kār-e-junūñ hai aap ke bas kī nahīñ
vaqt par bistar se uThiye vaqt par so jā.iye

tum tasallī na do sirf baiThe raho vaqt kuchh mere marne kā Tal jā.egā
kyā ye kam hai masīhā ke rahne hī se maut kā bhī irāda badal jā.egā

is sā.at-e-sa.īd ko kyā naam dījiye
insāñ asīr-e-vaqt ke zindāñ meñ jab huā

jab pahle-pahal tujhe dekhā thā dil kitne zor se dhaḌkā thā
vo lahr na phir dil meñ jaagī vo vaqt na lauT ke phir aayā

yūñhī vaqt gañvāyā motī sā yūñhī umr gañvā.ī sonā sī
sach kahte ho tum ham-suḳhano is ishq meñ ham ne kyā paayā

na thā na hogā kabhī mayassar sukūn jo tere qurb meñ hai
ye vaqt kī jhiil jis meñ har lahr jaise thak kar Thahar ga.ī hai

ye log zarā der ko Tal jaa.eñ to 'bābar'
maiñ dekh luuñ kyā vaqt huā hai mire dil meñ

vaqt kī nākāmiyāñ haiñ aur kyā
fāsle ab darmiyāñ hai aur kyā

zarā sā vaqt hai phir vaqt hī batā.egā
ki sach meñ kaun huuñ kaisā huuñ aur kyā huuñ maiñ

guzarte vaqt kī aadat hai sab badal denā
jahāñ kabhī maiñ ziyāda thā ab zarā huuñ maiñ

vaqt hī dard ke kāñToñ pe sulā.e dil ko
vaqt hī dard kā ehsās miTā detā hai