Tags-Waqt

harīf teġh se meñ apnī āgahī se laḌā
ye adl vaqt kare kis kī zarb kaarī thī

bichhaḌte vaqt to kuchh us meñ ġham-gusārī thī
vo aañkh phir to har ik kaifiyat se aarī thī

agar ho vaqt kabhī aa ke dekh jaanā zarā
tumhāre ġham meñ koī be-qarār ab bhī hai

dil-e-betāb kā kuchh dhyān na aayā us dam
haa.e kyuuñ ham ne ise vaqt-e-sahar chhoḌ diyā

kahīñ par bhī sambhalne kī ye mohlat hī nahīñ detā
kanār-e-vaqt se har hādsa ik dam nikaltā hai

ai ḳhāma-gar-e-vaqt mujhe izn-e-suḳhan de
tujh se tirī rif.at ke tavassul se malūñ maiñ

maiñ vaqt ke ḳheme se niklā...
to uljhanoñ kī chilchilātī dhuup meñ

dil vahī barbād aur sadiyoñ kī gard
vaqt kī har fat.h bhī be-kār sī

be-vaqt aa.e dair meñ kyā shorisheñ kareñ
ham piir o pīr-e-mai-kada bhī naujavāñ nahīñ

ab bhī hai vaqt aao chalo ham nikal chaleñ
dekho dhuāñ sā uThne lagā hai makān se

jis din se bañdhā hai dhyān tirā ghabrā.e hue se rahte haiñ
har vaqt tasavvur kar kar ke sharmā.e hue se rahte haiñ

ye rog lagā hai jab se hameñ ranjīda huuñ maiñ bīmār hai vo
har vaqt tapish har vaqt ḳhalish be-ḳhvāb huuñ maiñ bedār hai vo

sadā-e-vaqt kī gar bāz-gasht san paao
mire ḳhayāl ko tum shā.irāna kah denā

allāh allāh ye safar ye raah ye dushvāriyāñ
vaqt ke shānoñ pe ik bār-e-girāñ hai zindagī

vaqt par kaam na aayā dil-e-nāshād kabhī
TuuT kar ye bhī usī shoḳh se jā miltā hai

silvaTeñ vaqt kī paḌne hī lagīñ us pe 'dinesh'
tum ne dekhā hī kahāñ ġhaur se chehra merā

ik baat hī kahnī hai magar log bahut haiñ
kuchh vaqt mujhe in ke sivā kyoñ nahīñ dete

vaqt hoñToñ se mire vo bhī khurach kar le gayā
ik tabassum jo thā duniyā ko dikhāne ke liye

vaqt bosa ke ye 'inshā' se kahā
tujh se maiñ phir muñh na moḌūñ kis tarah

kyā kahūñ tūl-e-shab-e-ġham pal meñ sadiyāñ Dhal ga.iiñ
vaqt yuuñ guzrā ki jaise aable hoñ paañv meñ