Tags-Waqt

sāya-e-qurb meñ mileñ aa vahī donoñ vaqt phir
hoñT pe sub.h jagmagā.e aañkh meñ shaam muskurā.e

har qadam par amiir is tarah Thaharnā sochnā kis liye
vaqt chhalnī hai aur is meñ paanī na pun ham-safar baat sun

abhī hai vaqt sambhal jaao ai jahāñ vaalo
kahīñ tamām na ho jaa.e aadmī kā safar

vo vaqt aur the ki buzurgoñ kī qadr thī
ab ek būḌhā baap bhare ghar pe baar hai

miTte miTte vaqt ke hāthoñ mujhe bhī āḳhirash
be-nishānī kā nishāñ honā hī thā so ho gayā

aañkh meñ ashk riyāzat se huā hai paidā
ye namī vaqt ke dhāre se nikal kar aa.ī

shoḳhī shabāb husn tabassum hayā ke saath
dil le liyā hai aap ne kis kis adā ke saath

ek gherā vaqt kā hai dūsrā nā-vaqt kā
ḳhud-nigar kuchh apnī nigarānī kā andāza huā

vaqt ko māh-o-sāl kī zanjīroñ meñ jakaḌ kar kyā paayā hai
vaqt to māh-o-sāl kī zanjīroñ meñ aur bhī tez baḌhā hai

kaun pahchānegā 'dānish' ab tujhe kirdār se
be-muravvat vaqt ko taaza nishānī chāhiye

is ko hañsne ke liye to us ko rone ke liye
vaqt kī jholī se sab ko ik kahānī chāhiye

vaqt se haar kar na baiTh mujhe
phir bulā le tirī adā huuñ maiñ

kabhī us ke ḳhayāloñ meñ nahīñ jaatī thī dariyā par
aur ab ye vaqt aayā hai ki ghar hone se Dartī huuñ

duniyā ko nazar aate haiñ nā-vaqt bhī mujh meñ
vo aib ki phir kuchh mujhe karne nahīñ detī

naza.a kā vaqt hai baiThā hai sirhāne koī
vaqt ab vo hai ki marnā hameñ manzūr nahīñ

tamām vaqt maiñ shahr-e-gumāñ meñ rahtā huuñ
sukūñ se rahne kī mantiq na.ī nikālī hai

maiñ ne har baar tujh se milte vaqt
tujh se milne kī aarzū kī hai

aatī patjhaḌ ke saath lauTte vaqt
ik bahāreñ payām mauj-e-sabā

mujhe rangōn se jab dāvat-e-sher-o-suḳhan aa.ī
tabī.at fāsle aur vaqt ke chakkar se ghabrā.ī

duur tak ek nigah jā ke Thahar jaatī hai
vaqt kā fāsla kuchh DhūñD rahā ho jaise