Tags-Waqt

mirī shikasta-dilī hī ba-rū-e-kār aa.ī
vagarna vaqt to kartā nahīñ ri.āyat bhī

vaqt ajiib chiiz hai vaqt ke saath Dhal ga.e
tum bhī bahut badal ga.e ham bhī bahut badal ga.e

sahrā pe burā vaqt mire yaar paḌā hai
dīvāna ka.ī roz se bīmār paḌā hai

vaqt kaTtā rahā thā ahd-e-huzūrī kī firāq
zaḳhm lagte rahe chāhe kisī unvāñ se lage

hamāre gaañv kā luhār ab darāñtiyāñ banā ke bechtā nahīñ
vo jāntā hai fasl kāTne kā vaqt kaT gayā saroñ ko kāTne ke shaġhl meñ

guzar ke vaqt ne gūñgā banā diyā thā jinheñ
vo lafz maañg rahe haiñ na.ī sadā mujh se

raushnī haiñ safar meñ rahte haiñ
vaqt kī rahguzar meñ rahte haiñ

yuuñ qadam aa kar ruke jaise kabhī chalte na the
umr-e-fānī vaqt-e-be-raftār hai tere baġhair

bachā liyā miyāñ light ne vaqt pe aa kar
añdherā varna mujhe noch khāne vaalā thā

ai bevafā hayāt tirī gardishoñ kī ḳhair
tū ne bhī kaisā vaqt sunahrā badal diyā

go jītnā hamārī baqā kā savāl thā
lekin bisāt-e-vaqt ne mohara badal diyā

vahī gulshan hai lekin vaqt kī parvāz to dekho
koī taa.ir nahīñ pichhle baras ke āshiyānoñ meñ

dekho in chalte hue vaqt ke tūfānoñ ko
ḳhauf furqat kā hameñ yaar dikhāne aa.e

vaqt-e-āḳhir meñ milne vaale shaḳhs
tujh ko sadiyoñ se jāntī huuñ maiñ

vaqt aisā bhī paḌā bādiya-paimā.ī meñ
raah meñ gul jo mile ḳhār-ba-dāmāñ ho kar

baaqī bas ek nām-e-ḳhudā rah gayā 'adīm'
sab kuchh bahā ke vaqt kā dariyā guzar gayā

maiñ kahīñ aa.uuñ maiñ kahīñ jā.ūñ
vaqt jaise rukā sā rahtā hai

vaqt mahdūd diyā kaam diyā lā-mahdūd
zindagī bol tirā qarz chukā.ūñ kaise

tum vaqt kī dahlīz pe dam toḌ rahe ho
maiñ bhāgtā lamha huuñ mujhe tum na pukāro