Tags-Waqt

hazl ko log 'sahar' aaj ġhazal kahte haiñ
zauq-e-sherī pe burā vaqt paḌā ho jaise

ba-vaqt-e-sar-nigūnī hai tasavvur intizāristāñ
nigah ko ābloñ se shaġhl hai aḳhtar-shumārī kā

kahāñ aa.egī apne vaqt par maut
vo agle roz par Taltī rahegī

us kā dīdār hama-vaqt ibādat merī
aañkh ne dil pe jo tasvīr utārī terī

ab jā ke ho sakegī mohabbat vasūq se
ḳhud se bichhaḌte vaqt kisī se milā huuñ maiñ

naza.a kā vaqt burā vaqt hai ḳhāliq kī panāh
hai vo saa.at ki qayāmat se sivā hotī hai

vaqt har zaḳhm ko bhar detā hai kuchh bhī kiije
yaad rah jaatī hai halkī sī chubhan kī had tak

ġhurūb kā vaqt thā muqarrar so chal paḌā maiñ
kisī kā phir intizār maiñ ne nahīñ kiyā thā

dast-e-īsā kyā kare jab jism par rakhte haiñ ham
ek aisā zaḳhm jis kā vaqt bhī marham nahīñ

alag siyāsat-e-darbāñ se dil meñ hai ik baat
ye vaqt merī rasā.ī kā vaqt hai ki nahīñ

'shāz' us se hī ḳhush hotā hai vaqt ustād
yaad sabaq sab jis ne kar ke rakkhā hai

āh-e-sozāñ kā ulfat meñ yaarā nahīñ tujh pe aañch aa.e mutlaq gavārā nahīñ
uḌ ke chiñgāriyāñ ātish-e-vaqt kī terā dāman jalā.e to maiñ kyā karūñ

ishq meñ har tamannā-e-qalb-e-hazīñ surḳh aañsū bahā.e to maiñ kyā karūñ
nā-umīdī hama-vaqt ummīd ke hāshiyoñ ko miTā.e to maiñ kyā karūñ

vaqt-e-ġhurūb aaj karāmāt ho ga.ī
zulfoñ ko us ne khol diyā raat ho ga.ī

us kī āñkhoñ meñ kuchh namī sī hai
vaqt kī nabz bhī thamī sī hai

aa.ine se na Daro apnā sarāpā dekho
vaqt bhī ek musavvir hai tamāshā dekho

ab TuuT rahā hai mirī hastī kā tasavvur
is vaqt mujhe tujh se sarokār bahut hai

uḌte hue phirte the āvāra ġhubāroñ se
vo vaqt thā jab us ke lauT aane kā imkāñ thā

vaqt Thahar sā jā.egā
raat aadhī rah jā.egī

dard-e-dil vaqt ko paiġhām bhī pahuñchā.egā
is kabūtar ko zarā pyaar se paalo yaaro