Tags-Waqt

vaqt kī intihā talak vaqt kī jast 'amīr-imām'
hast kī buud 'amīr-imām' buud kī hast 'amīr-imām'

kaash is vaqt koī pīr-e-ḳhamīda aa kar
mere shānoñ ko thapaktā ġham-e-tanhā.ī meñ

kaash us vaqt koī pīr-e-ḳhamīda aa kar
kisī āzurda tabī.at kā fasāna kahtā

javānī jā chukī 'mahrūm' zauq-e-ārzū kaisā
tumhāre be-niyāz-e-mudda.ā hone kā vaqt aayā

unheñ apnī jafāoñ par pashemānī huī āḳhir
sharīk-e-mātam-e-ahl-e-vafā hone kā vaqt aayā

mirī TuuTī huī kashtī thapeḌe mauj-e-tūfāñ ke
ḳhudā-e-pāk tere nāḳhudā hone kā vaqt aayā

vo aa.ī shām-e-ġham vaqf-e-balā hone kā vaqt aayā
taḌapne loTne kā dam fanā hone kā vaqt aayā

qayāmat-ḳhez hai husn-e-chaman ai bulbul-e-nālāñ
tire nāloñ se phir mahshar bapā hone kā vaqt aayā

bahār aa.ī har ik zarre se phūTī husn kī duniyā
fareb-e-mā-sivā ke haq-numā hone kā vaqt aayā

tirā milnā kise miltā hai mamnūn-e-muqaddar huuñ
magar afsos milte hī judā hone kā vaqt aayā

udāsī har sahar kahtī hai mujh se bazm-e-anjum kī
uTh ai ġham-dīda uTh mahv-e-bukā hone kā vaqt aayā

ye jo jañg hai kisī aur vaqt pe Taal deñ
saf-e-dostāñ saf-e-dushmanāñ maiñ udaas huuñ

yahī shaam kā vaqt thā ghar se nikle ki yaad aa gayā thā
bahut din hue aaj vo sab dobāra bahut yaad aayā

jamā thā jis vaqt rañg-e-sohbat thā nek-o-bad meñ bhī lutf-e-ḳhullat
magar ḳhizāñ aa.ī yā qayāmat na phuul dekhā na ḳhaar dekhā

vaqt kī rau meñ bahe the jaane kis andāz meñ
ye ḳhabar bhī ho na paa.ī ham kahāñ tak aa ga.e

ham tasavvuf ke ḳharāboñ ke makīñ
vaqt ke tūl-e-alam-nāk ke parvārda haiñ,

dil bhī yahī hai vaqt bhī manzar bhī niiñd bhī
jaanā kahāñ hai ḳhvāb meñ jaanā kahāñ se hai

vaqt barbād karte rahe is tarah
ham sunāte rahe sab ko taaza ġhazal

pahlū meñ hai ik zohra-jabīñ haath meñ sāġhar
is vaqt na duniyā hai na uqbā mire aage

paimāne pe jis vaqt jhukātā huuñ surāhī
jhuktā hai sar-e-ālam-e-bālā mire aage