Tags-Waqt

pal bhar meñ paanī hote dekhe haiñ sanam kirdāroñ ke
ham kaise kah deñ lagtā hai sañg pighalte vaqt bahut

un shīshoñ ke rezoñ kā marham hai apne zaḳhmoñ par
lamha lamha jo TuuTe talvāreñ chalte vaqt bahut

har vaqt fikr-e-marg-e-ġharībāna chāhiye
sehhat kā ek pahlū marīzāna chāhiye

ruk gayā vaqt palaT aa.ī haiñ biitī sadiyāñ
yahī vo lamha hai jab 'shām' bikharnā hai mujhe

kitne hī fasāne yaad aa.e kitne hī sahāre yaad aa.e
tūfān ne bāñheñ phailā diiñ jis vaqt kināre yaad aa.e

toḌ kar dil vo mirā jab se gayā hai 'ishrāq'
dil se har vaqt nikaltī hai sadā-e-hā.e

be-vaqt aa.e dair meñ kyā shorisheñ kareñ
ham pīr-o-pīr-e-mai-kada bhī naujavāñ nahīñ

ġhaur se sūraj nikalte vaqt dekho āsmāñ
chūmtī haiñ kis kā māthā ujlī lambī aurteñ

un ke andar pak rahā hai vaqt kā ātish-fishāñ
jin pahāḌoñ ko Dhake haiñ barf jaisī aurteñ

vaqt be-rahm
ġhazabnāk

ye vaqt bhī guzar nahīñ rahā hai aur
maiñ ḳhud ise guzār bhī nahīñ rahā

mirī to ḳhaak bhī tere qadam na chhoḌegī
zarā tū aane to de apne pā.emāl kā vaqt

badalte rahte haiñ mausam guzartā rahtā hai vaqt
magar ye dil ki vahīñ kā vahīñ judā.ī meñ bhī

tū baat nahīñ suntā yahī hal hai phir is kā
jhagḌe ke liye vaqt nikāleñ koī ham bhī

ga.e dinoñ meñ ye ma.amūl thā mirā 'taimūr'
ziyāda vaqt maiñ ik ḳhvāb meñ basar kartā

facebōk vaqt agar de to ye pyāre bachche
apne ḳhāmosh buzurgoñ kī shikāyat samjheñ

mauj-e-talātum ḳhair haiñ ham sāhil ke qarīb aate hī nahīñ
vaqt kī rau meñ bah jaa.eñ ham aise ḳhas-o-ḳhāshāk nahīñ

hamesha apne kaase meñ duāoñ kī talab rakkhī
duāoñ ke vasīle se burā har vaqt Talnā thā

na ā.īna har vaqt dekhā karo
kahoge kisī kī nazar ho ga.ī