Tags-Waqt

kaise ḳhush-rañg huuñ ḳhush-zā.eqa phal huuñ lekin
vaqt par chakkhe nahīñ jaa.eñ to saḌ jaate haiñ

har lamha marg-o-zīst meñ paikār dekhnā
khīñchī huī hai vaqt ne talvār dekhnā

maiñ chob-e-ḳhushk sahī vaqt kā huuñ sahrā meñ
sahar pukārtī mujh ko to saath chaltā maiñ

bichhaḌte vaqt aisā bhī huā hai
kisī kī siskiyāñ achchhī lagī haiñ

umr-bhar qatl huā huuñ maiñ tumhārī ḳhātir
āḳhirī vaqt to suulī na chaḌhāo yaaro

thā intizār manāeñge mil ke dīvālī
na tum hī lauT ke aa.e na vaqt-e-shām huā

ab zer-e-qadam lahad kā baab aa pahuñchā
hushiyār ho jald vaqt-e-khvāb aa pahuñchā

dīvāroñ se sar mārte phirne kā gayā vaqt
ab tū hī magar aap kabhū dar se dar aave

rishtoñ kā ik hujūm thā kahne ko ās-pās
jab vaqt aa paḌā to ta.alluq simaT ga.e

ai vaqt ke be-qayās dhāre kidhar haiñ vo ham-nasab hamāre
jo ek zinda ḳhabar kī ḳhātir ḳhud aap se be-ḳhabar rahe haiñ

maqtal-e-vaqt meñ ḳhāmosh gavāhī kī tarah
dil bhī kaam aayā hai gumnām sipāhī kī tarah

kuchh vaqt chāhte the ki socheñ tire liye
tū ne vo vaqt ham ko zamāne nahīñ diyā

din kī ḳhushiyāñ na ġham kī raat baneñ
vaqt kā bhī kabhī safar Thahre

'soz' har lamha vahī maslahat-e-vaqt kī baat
sun ke dīvāne ko aaqil pe hañsī aatī hai

kyā jaane shāḳh-e-vaqt se kis vaqt gir paḌūñ
mānind-e-barg-e-zard abhī Doltā huuñ maiñ

mujh meñ duniyā rahī aur maiñ bhī rahā duniyā meñ
mujh ko ghere rahe har vaqt ḳhasāre sāhab

bichhaḌte vaqt aañsū rok lenā
tum apne aap ko rusvā na karnā

inqilāb-e-vaqt ke sho.aloñ meñ baḌh ke kuud jā
zindagī miltī hai parvāne ko jal jaane ke ba.ad

vaqt ne gardan uThāne kī na dī mohlat hameñ
apnā chehra bhuul baiThe ā.īna hote hue

ik ijtihād kā pahlū zarūr hai tujh meñ
ḳhushī huī tire nā-vaqt muskurāne se