Tags-Waqt

dil kahīñ duur bahut duur nikal jaatā hai
vaqt tasvīr ke andar kī taraf khīñchtā hai

dosto vaqt kī zarūrat hai
phir banā.eñ nayā samāj koī

bāñdhe hue haiñ vaqt sabhī us ke hukm meñ
hai jis ḳhudā ke haath meñ kār-e-nizām-e-shām

vaqt ke kitne hī dhāroñ se guzarnā hai abhī
zindagī hai to ka.ī rañg se marnā hai abhī

jhulastī dhuup meñ ai kaash aisā vaqt aa.e
nasīb ho tirī palkoñ kā āshiyāna mujhe

na chheḌ is vaqt mujh ko zāhid nahīñ ye mauqa.a hai guftugū kā
savār jaatā hai vo sharābī maiñ hāzir us kī rikāb meñ huuñ

'āzād' nasheman se qafas meñ jo na aate
is vaqt jo hāsil hai vo ārām na hotā

maslahat-kesh vaqt hai 'vāhid'
apnī fitrat ke tum ḳhilāf karo

dil kī taḳhtī pe bhī āyāt likhī rahtī haiñ
vaqt mil jaa.e to un kī bhī tilāvat karnā

vaqt par aate haiñ na jaate haiñ
roz iqrār bhuul jaate haiñ

bachcha ik pahiye ko le kar bhaag rahā thā
vaqt jhukī dīvār ke uupar bahā huā thā

ḳhud ko tārīḳh kisī vaqt jo dohrātī hai
mere hālāt pe duniyā ko hañsā jaatī hai

kuchh vaqt zarā aur nahr duudh kī legī
farhād ko tesha nahīñ manzūr huā hai

vaqt abhī paidā na huā thā tum bhī raaz meñ the
ek shikasta sannāTā thā ham āġhāz meñ the

tū badle hue vaqt kī pahchān banegā
insān kī aulād hai insān banegā

kaun kahāñ tak jā saktā hai
ye to vaqt batā saktā hai

achchhā huā maiñ vaqt ke mehvar se kaT gayā
qatra guhar banā jo samundar se kaT gayā

gayā javānī kā saath sab kuchh vo garmi-e-ishq ab kahāñ hai
jo maiñ ne us vaqt aah kī hai bujhī huī aag kā dhuāñ hai

kitne bikhre hue ḳhvāboñ kā khañDar lagtā hai
vaqt ne de diyā us shaḳhs ko dhokā jaise