Tags-Waqt

mahfūz merī āñkheñ meñ ruḳhsat kā vaqt hai
in donoñ khiḌkiyoñ se nazāra nahīñ gayā

vahī gulshan hai lekin vaqt kī parvāz to dekho
koī taa.ir nahīñ pichhle baras ke āshiyānoñ meñ

vaqt qarīb aa gayā haal ajiib ho gayā
aise meñ terā naam ham phir bhī na lab pe lā sake

sochtā huuñ to laraz uThtā hai ehsās-e-anā
dā.era ban ke bhī maiñ vaqt kī purkār meñ thā

na bhar sakegā kabhī us ko vaqt kā marham
tire karam se mirā dil figār aaj bhī hai

kyuuñ vaqt rukā hai mirī āñkhoñ meñ abhī tak?
kyuuñ lams kī tere vo tamāzat nahīñ jaatī

vaqt lafzoñ se banā.ī huī chādar jaisā
oḌh letā huuñ to sab ḳhvāb hunar lagtā hai

kiyā hai vaqt ne yuuñ taar taar pairāhan
barahnagī ke sivā jism par labāda nahīñ

lagī haiñ maut par āñkheñ magar hai diid kī hasrat
ye vaqt-e-naz.a hai āñkhoñ meñ dam yuuñ bhī hai aur yuuñ bhī

kabhī ham vaqt se aage bhī the jab
hameñ azbar thiiñ auqāteñ hamārī

vaqt-e-ruḳhsat vo aañsū bahāne lage
dil dukhāne ke manzar suhāne lage

ham jhukāte bhī kahāñ sar ko qazā se pahle
vaqt ne dī hai sazā ham ko ḳhatā se pahle

chalte haiñ kū-e-yār meñ hai vaqt-e-imtihāñ
himmat na hārnā dil-e-bīmār dekhnā

rauzan-e-vaqt meñ damdār sadā thī kis kī
saañp kī raah meñ gaThrī meñ paḌā thā maiñ bhī

shahr is tarah bayābāñ meñ girā hai jaise
vaqt ke paañv se zanjīr nikal aa.ī hai

vaqt kartā hai ḳhud-kushī mujh meñ
lamha lamha hai zindagī mujh meñ

quvvat-e-dast-e-ḳhudā.ī hai shakebā.ī meñ
vaqt jab aa ke paḌā hai yahī kaam aa.ī hai

ġham kī ismat bachchī huī thī magar
vaqt ne vo bhī rauñd Daalī hai

ai ḳhush-abrū koī phir Dhab pe chaḌhā taaza shikār
yuuñ jo har vaqt liye tīr-o-kamāñ rahte ho

jo shaḳhs muddatoñ mire shaidā.iyoñ meñ thā
aafat ke vaqt vo bhī tamāshā.iyoñ meñ thā