Tags-Waqt

vaqt barbād karne vāloñ ko
vaqt barbād kar ke chhoḌegā

ye vaqt lamha-e-maujūd kā tasalsul hai
malāl-e-ḳhvāhish-e-ā.indagāñ meñ kyā rahnā

koī Thahartā nahīñ yuuñ to vaqt ke aage
magar vo zaḳhm ki jis kā nishāñ nahīñ jaatā

zehn kahtaa hai ziyaada vaqt legaa kaar-e-ishq
dil to kahtaa hai ajii bas ek dam hone ko hai

vaqt kai bosiida kaaGaz pe raqam hone ko hai
lamha-e-maujuud agle pal jo kam hone ko hai

raat ko ghar nahīñ aatā to mire ghar vaale
sub.h ke vaqt mirī ḳhair manāne lagte

kaḌe vaqt par kaam aanā thā jin ko
vatan ko unhīñ jāñ-nisāroñ ne lauTā

maut se kuchh nahīñ ḳhatar mujh ko
vo to har-vaqt paas rahtī hai

dil meñ har-vaqt yaas rahtī hai
ab tabī.at udaas rahtī hai

diloñ kī uqda-kushā.ī kā vaqt hai ki nahīñ
ye aadmī kī ḳhudā.ī kā vaqt hai ki nahīñ

gardish-e-vaqt ko ḳhātir meñ na laane vaalī
shahr meñ do na.ī āñkhoñ kā baḌā charchā hai

vaqt-e-āḳhir qazā se bigḌegī
aap us vaqt meñ karam na kareñ

ghir ga.e ham vaqt ke tūfān meñ
ai ġham-e-jānāñ kahāñ hai āj-kal

but-ḳhāne se dil apne uThā.e na ga.e
ka.abe kī taraf mizāj laa.e na ga.e

ġharq hote jahāz dekhe haiñ
sail-e-vaqt-e-ravāñ samajhtā huuñ

vo vaqt-hā-e-sū-e-haram jab chale the ham
dāmān-kash ḳhayāl-e-butāñ der tak rahā

vaqt ne ham ko agar patthar banā Daalā hai to ham kyā kareñ
yaad haiñ vo din bhī ham ko ham bhī jab mehr o vafā kā baab the

ham vo jugnūñ haiñ kisī vaqt kisī se sun kar
ro paḌī thī shab-e-dījūr hamārā qissa

ham ne apne dil ko
us vaqt

jo dekhiye to zamāna hai tez-rau kitnā
tulū-e-sub.h abhī hai to vaqt-e-shām abhī