Tags-Waqt

kitnī hī baar ḳhayāloñ meñ tire paas ga.e
ham-safar karte rahe vaqt-e-safar hone tak

ḳhauf khātā huuñ kahīñ ḳhud se na uktā jā.ūñ
vaqt kī taaza rivāyat kā maza letā huuñ

dūsrī bātoñ meñ ham ko ho gayā ghāTā bahut
varna fikr-e-sher ko do vaqt kā aaTā bahut

mujhe to aap meñ is vaqt tum nahīñ milte
kahāñ ho 'shauq' kuchh apnī tumheñ ḳhabar bhī hai

ye namāz-e-asr kā vaqt hai
ye ghaḌī hai din ke zavāl kī

santān hañse to kaise hañse
is vaqt hai maatā ḳhatre meñ

yuuñ to hazār dard se rote haiñ bad-nasīb
tum dil dukhāo vaqt-e-musībat to baat hai

dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ

parbat kī tarah vaqt ke siine meñ gaḌā huuñ
chaltā hī nahīñ zor havā kā mire aage

aur be-vaqt chalā aatā hai sāvan mujh meñ
ek guzre hue mausam kā taqāzā karne

dil meñ vaqt-e-zab.h hai hasrat ki tum ko dekh leñ
marte marte ḳhair jiine kī tamannā bhī sahī

be-karāñ vaqt kī bandish se milī āzādī
chand lamhoñ ke liye maiñ bhī huā āvāra

ek lamha bhī masarrat kā mayassar na huā
jaane kis vaqt mohabbat kī rakhī thī buniyād

jin ko da.avā thā raheñge saath saath
vaqt-e-ruḳhsat haath hī malte rahe

aur ma.alūm hai jab dekhā thā ye ḳhvāb tumhārā
apne bistar pe maiñ us vaqt paḌā jaag rahā thā

sirf qasmeñ va.ade haiñ aur vaqt paḌne par
saath bhī nahīñ detā ab koī mohabbat kā

jo likhā lakīroñ meñ us ko puurā honā hai
vaqt Tal nahīñ saktā har ghaḌī musībat kā

hotī hai laboñ par ḳhāmoshī āñkhoñ meñ mohabbat hotī hai
jab un se nigāheñ miltī haiñ us vaqt ye hālat hotī hai

kyā kaheñ guzre hue vaqt ke baare meñ 'salīm'
saḳhat mushkil se dil-o-jāñ ye sambhāle ga.e haiñ

hākim-e-vaqt ke qadmoñ pe sabhī ibn-ul-vaqt
rakh ke dastār ko sar apnā bachā le ga.e haiñ