Tags-Waqt

maiñ ġhalat vaqt par huā bedār
ye kisī aur kā zamāna hai

kaun hai terī ināyat kā jo qaa.il na huā
kis ke dukh-sukh meñ to vaqt aane pe shāmil na huā

vaqt fursat de to mil baiTheñ kahīñ bāham do dam
ek muddat se diloñ meñ hasrat-e-tarfain hai

ye mela vaqt kā hai haath us ke haath meñ rakhnā
bichhaḌ jaa.eñ yahāñ to phir kahāñ yakjā.ī hotī hai

vaqt kī dhund meñ lipTe manzar
aur sannāTā dil ke andar

rañg-e-sahbā chashm-e-nargis meñ thā 'āsī' vaqt-e-sub.h
jāgne se ho rahī thiiñ ḳhūñ-fishāñ kal raat ko

dekhtā hī nahīñ vo merī bulandī kī taraf
ya.anī sharminda hai ab vaqt kā ziina mujh se

bārisheñ vaqt pe khetoñ ko harā kar deñ to
sab kisānoñ ko kisānī kā maza aa.egā

vaqt de jaa.e jise yaad purānī koī
roz us harf kī tāsīr na.ī hotī hai

vaqt-e-shab gum huā saaya to mujhe yaad aayā
ho gayā apnā parāyā to mujhe yaad aayā

haiñ tañg tirī mai-kash saaqī ye paḌh ke namāz aatā hai yahīñ
yā shaiḳh kī tauba tuḌvā de yā vaqt badal maiḳhāne kā

us vaqt khulegā his ko bhī ehsās-e-mohabbat hai ki nahīñ
jab sham.a sar-e-mahfil ro kar muñh dekhegī parvāne kā

ham maslahat-e-vaqt ke qaa.il nahīñ yaaro
ilzām jo denā hai sar-e-ām diyā jaa.e

jāhil ko agar jehl kā in.aam diyā jaa.e
is hādisa-e-vaqt ko kyā naam diyā jaa.e

vo vaqt bhī guzrā hai ki dekhā nahīñ tum ne
sahrāoñ ko dariyā kī ravānī se nikalte

aa.ī jis roz se beTī pe javānī us kī
baap har vaqt pareshān nazar aatā hai

zarā dekhnā to azaan kā bhī 'sirāj' vaqt nahīñ rahā
ye tulū-e-mahr hai yā vahī kaf-e-gul-farosh pe jaam hai

ek dilkash safīna ban kar
guzre vaqt kā lamha lamha

lo vo bhī gir gayā mire āñgan kā peḌ aaj
har vaqt jis se aasrā taaza havā kā thā