Tags-Waqt

kisī bhī vaqt badal saktā hai lamha koī
is qadar ḳhush bhī na ho merī pareshānī par

kisī ke hijr ko aise manā rahe the ham
ghaḌī meñ vaqt ko ulTā ghumā rahe the ham

pahlū meñ bādshāh ke thā jalva-gar vazīr
sardār-e-dīñ alī-e-valī ḳhalq kā amiir

tirī nazar ke badalne se vaqt yuuñ badlā
mire hī faisle mere ḳhilāf jaane lage

bhalā ho vaqt kā vo rāsta bhaTak ga.ī thī
madad ke rāste ham rāsta banāne lage

maiñ guzre vaqt ke kis āsmāñ meñ jiitā huuñ
gayā kabhī kā havā kī tanāb kaaT ke vo

safar-e-shauq ke farsañg na pūchh
vaqt be-qaid makāñ thā pahle

tum bhalā mujh se ḳhafā ho ke kahāñ jāogī
shahr kī galiyoñ meñ is vaqt añdherā hogā

vaqt sitam-zarīf thā
vaqt kā phir bhī kyā gila

vaqt ke saath badal jaate haiñ chehre saare
aaj apne haiñ yahī log parā.e hoñge

yahī milā hai sila mujh ko haq-parastī kā
ki vaqt neze pe sar ko mire uThātā hai

hamāre sāmne har-vaqt anjām-e-shikāyat thī
kahī ko an-kahī kar dī sunī ko an-sunī ham ne

dil kī masjid meñ kabhī paḌh le tahajjud kī namāz
phir sahar ke vaqt hoñToñ par duā bhī aa.egī

jise mol lenā ho le le ḳhushī se
maiñ is vaqt donoñ jahāñ bechtā huuñ

shīrīñ-kalāmiyāñ haiñ vahāñ vaqt-e-mai-kashī
goyā milā hai qand-e-mukarrar sharāb meñ

raat guzarte shāyad thoḌā vaqt lage
dhuup unDelo thoḌī sī paimāne meñ

mil ke lagā hai aaj zamāne Thahar ga.e
tujh se bichhaḌ ke vaqt guzārā nahīñ gayā

ehsās-e-alam aur pās-e-hayā us vaqt kā aañsū sahbā hai
us chashm-e-hasīñ ko kyā kahiye jab pī na sakī chhalkā hī ga.ī

ghar se nikal aatā huuñ aksar subah ke taḌke vahshat meñ
jhiil meñ patthar pheñk ke din-bhar vaqt-guzārī kartā huuñ