Tags-Waqt

phir jāniye kab vaqt kī raftār thamegī
Thahre hue lamhe ko nigāhoñ meñ piro lo

sab kuchh to hai kyā DhūñDhtī rahtī haiñ nigāheñ
kyā baat hai maiñ vaqt pe ghar kyuuñ nahīñ jaatā

kyoñ pareshāñ ho shab-e-hijr kī aamad pe 'jalīl'
gardish-e-vaqt hai aaj aa.ī hai kal jā.egī

umr-bhar kī mohlat to vaqt hai ta.āruf kā
zindagī samajhne meñ der kuchh to lagtī hai

hādisa bhī hone meñ vaqt kuchh to letā hai
baḳht ke bigaḌne meñ der kuchh to lagtī hai

bhiiḌ vaqt letī hai rahnumā parakhne meñ
kārvān banñe meñ der kuchh to lagtī hai

kabhī mausam saath nahīñ dete kabhī bel muñDer nahīñ chaḌhtī
lekin yahāñ vaqt badalne meñ aisī koī der nahīñ lagtī

ham ne rusvā.ī kī us vaqt se chādar oḌhī
jis ghaḌī toḌ diyā thā tire dar se rishta

ajab kashākash-e-īmān-o-kufr rahtī hai
vo but hamesha ba-vaqt-e-azāñ milā hai mujhe

sunā hai vaqt kuchh ḳhush-rañg lamhe le ke guzrā hai
mujhe bhī 'shād' kar jaatā guzarne se zarā pahle

'mānī' kī pāk-bāzī is daur meñ na chaltī
nigarāñ rahī haiñ dil kī har vaqt vo nigāheñ

jabīn-e-vaqt par kaisī shikan hai ham nahīñ samjhe
koī kyuuñ kar harīf-e-ilm-o-fan hai ham nahīñ samjhe

be-niyāzī vaqt se mujh meñ na qaa.em ho sakī
maiñ sadā hāzir rahā taaza ḳhabar ke aas paas

is vaqt meñ pyāre ham kuuñ sharāb diije
dekho to kyā huā hai rījho to kyā ghaTā hai

jo mohabbat meñ ham pe guzrā hai
tum pe vo vaqt abhī kahāñ guzrā

jo ho sake to vaqt kī zanjīr toḌ kar
shām-o-sahar kā paañv se chakkar nikāliye

vaqt kī dhuup kā qusūr nahīñ
the hī kachche vo e'tibār ke rañg

marī jaañ ye kaisā sitam vaqt kā hai
hai merī hī qismat meñ nauha-sarā.ī

ḳhud-ba-ḳhud vaqt pe ho jaate haiñ sāmāñ kyūñkar
kuchh jo samjhe to hameñ be-sar-o-sāmāñ samjhe

ashshaiḳh vaqt kyā ye hamārā qusūr hai
lazzat meñ hai gunāh to lazzat gunāh meñ