Tags-Waqt

ġharaz ki aate hī vaqt-e-sahar ḳhayāl-e-namāz
jabīñ thī pā-e-sanam par zabāñ pe ''yā-ma.abūd!''

''dahān-e-yār ki darmān-e-dard-e-'hāfiz' dāsht
fuġhāñ ki vaqt-e-muravvat che tañg hausla būd''

mire laboñ ko bhī de ruḳhsat-e-tarāna-e-hamd
har ek zarra hai is vaqt āshnā-e-durūd

saḳht-jānī se dil-e-muztar jo taḌpā vaqt-e-qatl
ban gayā sañg-e-fasāñ qātil tirī shamshīr kā

vaqt kī baat hai pyāre chāhe maan na maan
mīThā kaḌvā sab sunñā paḌ jaatā hai

dam liyā thā na qayāmat ne hanūz
phir tirā vaqt-e-safar yaad aayā

ḳharāb vaqt hai ab fāsla hī behtar hai
kabhī mileñge jo māhaul pur-sukūn milā

jab husn-e-takallum pe kaḌā vaqt paḌe to
aur kuchh bhī na baaqī ho to takrār bahut hai

vaqt kaisā bhī ho do pal meñ guzar jā.egā
dard meñ Duubī huī raat pe ġham kyā karnā

ye mohabbat kā fasāna bhī badal jā.egā
vaqt ke saath zamāna bhī badal jā.egā

phir bahār aa.ī hai gulshan kā nazāra kar lo
varna ye vaqt suhāna bhī badal jā.egā

andhe vaqt ke
gahre kueñ meñ

vaqt badlā to usī haath meñ hogā ḳhanjar
ye na soch jab bhī uThegā to duā hī degā

vaqt sā chāragar bhī haar gayā
hijratoñ ke to zaḳhm aise the

kaañ hai is vaqt meñ 'valī' 'dā.ūd'
jo kahūñ maiñ suḳhan kā vaalī huuñ

vaqt gardish meñ ba-andāz-e-digar hai ki jo thā
tan meñ jaañ hai ki jo thī dosh pe sar hai ki jo thā

vaqt kā dariyā le bhī gayā vo sab jo dil-o-jāñ se thā aziiz
DhūñDh rahe ho sāhil par ab aañsū kī tahrīr kahāñ

ab to tinkā mujhe shahtīr se bhārī hai 'ḳhayāl'
maiñ kisī vaqt bahut bojh uThā saktā thā

sāhib-e-mehr-o-vafā arz-o-samā kyuuñ chup hai
ham pe to vaqt ke pahre haiñ ḳhudā kyuuñ chup hai

apne jiine ko kyā pūchho sub.h bhī goyā raat rahī
tum bhī rūThe jag bhī rūThā ye bhī vaqt kī baat rahī