Tags-Waqt

yuuñ vaqt guzartā hai
fursat kī tamannā meñ

ḳhabar liyāyā hai hudhud mere ta.iiñ us yār-e-jānī kā
ḳhushī kā vaqt hai zāhir karūñ rāz-e-nihānī kā

jagah jagah se siyāhī bhī dhul ga.ī hogī
bahā hai vaqt jo us diary purānī meñ

bichhaḌte vaqt kī us ek bad-gumānī meñ
sadā.eñ bah ga.ī sab aañkh hī ke paanī meñ

dil ne phir un se na milne kī qasam khaa.ī hai
dekh leñ vo na kisī vaqt pareshān mujhe

yūñhī mar mar ke ji.eñ vaqt guzāre jaa.eñ
zindagī ham tire hāthoñ se na maare jaa.eñ

maiñ apne kaam agar vaqt par nahīñ kartā
to kāmyābī kā parvat bhī sar nahīñ kartā

magar ye vaqt
ye sahmā huā Darā huā vaqt

shaam ke vaqt hijratī patte
sabz peḌoñ kā ġham manāte haiñ

junūñ kā zom bhī rakhte haiñ apne zehn meñ ham
paḌe jo vaqt to farzāne honā chāhte haiñ

taqāza vaqt kā kuchh bhī ho ye dil
vahī qissa purānā chāhtā hai

kabhī hāthoñ se uḌātā huuñ, kabhī mārtā huuñ
vaqt be-rañg se kiiḌe kī tarah

hudūd-e-vaqt ke darvāze muntazir haiñ 'nasīm'
ki tū ye fāsle kar ke ubuur dastak de

qāfila luTtā hai jis vaqt sar-e-rāhguzar
us ghaḌī qāfila-sālār kidhar hotā hai

jab sub.h kā manzar hotā hai yā chāñdnī-rāteñ hotī haiñ
us vaqt tasavvur meñ un se kuchh aur hī bāteñ hotī haiñ

har vaqt nauha-ḳhvāñ sī rahtī haiñ merī āñkheñ
ik dukh bharī kahānī kahtī haiñ merī āñkheñ

dekhtā rah gayā apnī parchhā.iyāñ
vaqt guzrā hai kitnā Thahartā huā

vaqt ne kaisā ruup diyā jo log nahīñ pahchān sake
kaash ki ḳhud ko dekh bhī sakte jag ke ā.īna-ḳhānoñ meñ

phir soch lo ik baar abhī vaqt hai 'jāved'
shikve meñ kuchh andesha-e-ḳhātir-shikanī hai

vaqt mujh se milā nazākat se
bheḌiyā pahne khaal aayā hai