Tags-War

tirī āvāz
jaise baḌh rahe hoñ jañg ke shole

dushmanoñ ke narġhe meñ maiñ khaḌā huuñ tanhā sā
ma.arka mohabbat kā jañg-e-karbalā sā hai

hameñ pasand nahīñ jañg meñ bhī makkārī
jise nishāne pe rakkheñ batā ke rakhte haiñ

zamāna go mujhe mā.il-ba-jañg kartā hai
magar ye teġh-o-sinān-o-sipar nahīñ detā

dekhnā sab log mujh ko ḳhārjī Thahrā.eñge
kal yahāñ jañg-e-jamal kā mas.ala chheḌūñgā maiñ

mahāz-e-jañg pe terī shikast āḳhir hai
hisār kar le ḳhud apnā tamām lashkar khīñch

jañg kā faisla ho chukā hai to phir mere dil kī kamīñ-gāh meñ kaun hai
ik shaqī kāTtā hai tanābeñ mire ḳhema-e-ḳhvāb kī raat bhar yā aḳhī

abhī jañg jaarī hai
jalne lagīñ bastiyāñ

ye khulī jañg hai aur jañg bhī hai apne ḳhilāf
is liye apne taraf-dār uThāne lagā huuñ

sipāhī jañg se kab lauTte haiñ
vo koī aur hai zinda agar hai

bāhar na aa.e ham bhī anā ke hisār se
is jañg meñ tumhāre barābar rahe haiñ ham

jañg par jaate hue beTe kī maañ se pūchho
kaise jazbāt ke tūfān sambhāle hoñge

'shamīm' zulmat-e-daurāñ se jañg hai darpesh
jo chāhtā ho saverā to mere saath chalo

uus parī-rū siiñ aur 'hātim' siiñ
raat din sulh o jañg hai yaaro

is qadar kis ke liye ye jañg-o-jadal ai gardūñ
na nishāñ mujh ko diyā hai na tū naubat dī hai

teġh sī chaltī hai qātil kī dam-e-jañg zabāñ
sulh kā naam jo letā hai to haklātā hai

ik tarīqa hai jañg rukne kā
jañg ḳhud pe harām kar liije

is zindagī kī jañg meñ har ik mahāz par
mere muqāble meñ mirī zaat DaT ga.ī

zindagī jañg hai a.asāb kī aur ye bhī suno
ishq a.asāb ko mazbūt banā detā hai