Tags-War

mahāz-e-jañg-e-vafā pe shikast-e-ishq ke ba.ad
paḌā hai dasht meñ ab tak vo pā.emāl badan

jañg hai kis ātishīñ-ḳhū se jo rahtā hai mudām
teġh-e-uryāñ kī tarah har sho.ala nañgā aag kā

juz ishq jañg-e-dahr se mat paḌh ki ḳhush haiñ ham
us qisse kī kitāb meñ us dāstān se

ik musalsal jañg thī ḳhud se ki ham zinda haiñ aaj
zindagī ham terā haq yuuñ bhī adā karte rahe

dekhe koī ta.alluq-e-ḳhātir ke rañg bhī
us fitna-ḳhū se pyaar bhī hai aur jañg bhī

maazī meñ tum jiit ga.e mujh se 'betāb'
mustaqbil kī jañg abhī tak jaarī hai

le chuke dil to jañg kyā hai ab
aa milo phir darañg kyā hai ab

mire harīf mirī yakka-tāzīyoñ pe nisār
tamām umr halīfoñ se jañg kī maiñ ne

is baar tuul khīñch ga.ī jañg agar to kyā
is baar shart bhī to hai baḌh kar lagī huī

ḳhūn-chashīda sadiyoñ kā vo ghor-añdherā bikhar gayā
jañg-o-jadal kā jazba jaagā amn kā parcham utar gayā

zinda rahnā hai to hālāt se Darnā kaisā
jañg lāzim ho to lashkar nahīñ dekhe jaate

ham sar-e-shāḳh-e-sināñ qarya-ba-qarya mahke
ham ne is jañg meñ sar jiit liye haar ke haath

vo akelā hai aur us ke chāhne vaale bahut
jañg hone jā rahī hai āshiqoñ ke darmiyāñ

kis ko hai zauq-e-talḳh-kāmī lek
jañg bin kuchh mazā nahīñ hotā

jañg kā vaqt nahīñ ye pyāre
ghar meñ aa.e haiñ mudārāt karo

laboñ pe harf-e-rajaz hai zirah utaar ke bhī
maiñ jashn-e-fat.h manātā huuñ jañg haar ke bhī

vo ek thā jo mujhe chār-sū dikhā.ī diyā
maiñ jañg haar gayā huuñ ki daav aisā thā

kis zehn se ye saare mahāzoñ pe jañg thī
kyā fat.h ho gayā ki saf-ārā.iyāñ ga.iiñ

ye batā ki kaun sī jañg meñ maiñ lahūluhān nahīñ rahā
magar aaj bhī tire shahr meñ koī mujh ko maan nahīñ rahā

mahāz-e-jañg pe khilte nahīñ haiñ haath mire
maiñ kyā karūñ ki muqābil mirā adū tū hai