Tags-War

tajalliyoñ se añdheroñ kī jañg jaarī hai
ujāle surḳh-rū hoñ ye duā hamārī hai

ḳhirāj detā chalā aa rahā huuñ aaj talak
maiñ ek roz zamāne se jañg haarā thā

tum ye kahte ho vo jañg ho bhī chukī!
jis meñ rakkhā nahīñ hai kisī ne qadam

jañg ke dinoñ meñ
mohabbat āsān ho jaatī hai

jañg ke dinoñ meñ
din nahīñ nikaltā

jañg ke dinoñ meñ
log dhamāke aur shor

mahāz-e-ishq pe qurbat kī jañg laḌte hue
maiñ furqatoñ ke mumāsil visāl rakhtī huuñ

jañg meñ le jā.eñge sarhad pe sab tīr-o-tafang
ham to apne saath miTTī kī duā le jā.eñge

āñkhoñ ko terī diid mayassar nahīñ magar
dil jañg kar rahā hai rasad ke baġhair bhī

lāzim nahīñ ki jañg-o-jadal se hī kaam leñ
ho jaa.e mas.aloñ kā jo hal guftugū ke ba.ad

chāhtā huuñ ki yahāñ phuul khile hoñ har-sū
ya.anī ye jañg kā maidān nahīñ chāhtā maiñ

ye aur baat ek sitāre se jañg hai
bas jañg hai gihād-e-musalsal na kar use

sajde meñ vālida ke ye 'hassās' thā asar
dast-e-duā ne jiit lī dast-e-qazā se jañg

sar kāTtā na aap kā kartā maiñ kyā bhalā
is baar laḌ rahā thā maiñ apnī baqā kī jañg

nazar nā aane pe hai ye hālat ki jañg hai shaiḳh-o-barahman meñ
ḳhabar nahīñ kyā se kyā ho duniyā jo ḳhud ko vo be-naqāb kar de

duur na.ī tāqatoñ ne jañg laḌī thī
ḳhauf abhī ruuh ke javār meñ na thā

vo jañg jiit ke ūñToñ kā ruḳh badalne lage
abhī to un kī machānoñ se ḳhuun bahtā hai

raat se jañg koī khel na.iiñ
tum charāġhoñ meñ itnā tel na.iiñ

mere andar hī koī jañg chhaḌī hai shāyad
mere andar hī koī dasht-e-balā rahtā hai

jañg kā hathiyār tai kuchh aur thā
tiir siine meñ utārā aur hai