Tags-War

apne mafād ke liye maidān-e-jañg meñ
jiitā gayā kabhī kabhī haarā gayā mujhe

tujh se maiñ jañg kā elaan bhī kar hī dūñgā
mere dushman tū mire qad ke barābar to aa

maiñ sipāhī to nahīñ phir bhī laḌī haiñ ka.ī jañgeñ maiñ ne
pahlī hī jañg thī vo jis meñ kaTe haath mire

mahāz-e-jañg par sīna-sipar ho kar maiñ chaltā huuñ
magar buzdil hamesha pusht par hī vaar karte haiñ

is baar jañg us se ra.ūnat kī thī so ham
apnī anā ke ho ga.e us ke nahīñ hue

ab nishāna us kī apnī zaat hai
laḌ rahā hai ik anokhī jañg vo

pāgaloñ jañg bagūloñ se chhiḌī thī aur tum
apne tan par ḳhas-o-ḳhāshāk pahan kar pahuñche

suraḳh-rū jañg se lauT aayā thā
ḳhuuñ meñ lat-pat jise ghar meñ dekhā

mujhe kab kisī kī umañg thī mirī apne aap se jañg thī
huā jab shikast kā sāmnā to ḳhayāl terī taraf gayā

yatīmī-o-lā-vārsī bevgī ke
ba-juz kuchh na hāsil hai jañg-o-jadal se

huī jañg-o-harab kī ibtidā to batāo bas yahī ik patā
koī tum meñ nañg-e-vaqār thā tumheñ yaad ho ki na yaad ho

hayā kā parda hai varna tum to hue pashemān-e-jañg-e-dushman
nahīñ ho fikr musālahat meñ to ham se mil kar hayā na karnā

tujh ko asiir gardish-e-ayyām ne kiyā
chob-e-qafas se kartī hai kyuuñ jañg andalīb

tafraqa paḌtā hai jab duniyā meñ nasl-o-rañg kā
le ke maiñ aatī huuñ parcham inqilāb-o-jañg kā

is taraf amn-o-baqā aur us taraf jañg-o-fanā
dekhiye ye kārvāñ kis samt 'mullā' jaa.e hai

dil meñ ik jañg thī jo jaarī rahī
koī to shaḳhs thā ḳhafā mujh meñ

kab tak jañg laḌegā tere sūraj se
sūkhegā ik din āḳhir ye sāgar bhī

maiñ ne us ko pichhāḌnā hai miyāñ
merī saa.e se jañg jaarī hai

zamīr o zehn meñ ik sard jañg jaarī hai
kise shikast duuñ aur kis pe fat.h pā.ūñ maiñ

tum agar hote karbalā vaale
jañg meñ maat par nahīñ rote