Tags-War

zindagī hai naam johd o jañg kā
maut kyā hai bhuul jaanā chāhiye

masrūf apnī jañg meñ rahnā sadā magar
nazreñ uThā ke tum kabhī uupar na dekhnā

thā jo sutūñ ki rukn-e-risālat kā takiya-gāh
kursī bhī us kī pusht kī thī DhūñDhtī panāh

ḳhudī se be-ḳhudī kī jañg hai goyā mujhe is pal
muqābil apne hī apnī koī tasvīr rakhnī hai

ahbāb haiñ kyuuñ dañg mujhe hī nahīñ ma.alūm
kis se hai mirī jañg mujhe hī nahīñ ma.alūm

zindagī bach nikaltī hai har jañg meñ vaqt ke vaar se
phir Tapaktā hai ik baar lamhoñ kā ḳhuuñ saañs kī dhaar se

bar-sar-e-jañg haiñ anvār se zulmāt ke dev
chāñd rātoñ ke añdhere meñ kahīñ Duub na jaa.e

maiñ shikasta huuñ idhar tū bhī shikasta hai udhar
jañg meñ koī zafar-yāb nazar to aa.e

na baat dil kī sunūñ maiñ na dil sune merī
ye sard jañg hai apne hī ik mushīr ke saath

unheñ muḳhtār ban kar bekasī ke ḳhuun kī maujeñ
hisār-e-marg ne mahsūr kar liiñ jañg jo faujeñ

ab merī apne āḳhirī dushman se jañg hai
maidāñ meñ koī mere sivā ab nahīñ rahā

har roz na.ī jañg hai har roz na.ī jehd
kab apne muqābil koī lashkar nahīñ hotā

jab jañg shurūa hogī
hamārī talvāreñ hameñ de denā

va.ada karo shā.iroñ
aglī jañg-e-azīm shurūa hone se pahle

ġhāfil na jāniye mujhe masrūf-e-jañg huuñ
us chup se jo kalām se aage nikal ga.ī

khaḌe raho na muqābil har ek ke 'amjad'
ki is tarah se to ḳhatra hai jañg hone kā

mirī baat sach hai
mirī baat sach hai nahīñ hai kisī jañg kā ye fasāna

maġhrib meñ us ko jañg hai kyā jaane kis ke saath
sūraj chalā hai bāñdh ke teġh o sipar kahāñ

yuuñ us kī shujā.at huī mashkūk pas-e-jañg
tanhā vo sipāhī thā jo ghā.el na huā thā

kisī bhī jañg meñ koī shahādat kī ḳhabar sun kar
sisak uThte haiñ kañgan aur zevar kaañp jaatā hai