Tags-Yaad

mohabbat kā aisā likheñ ham fasāna
jise yaad rakkhe ye saara zamānā

ai 'tauqīr' bachpan meñ karte the kyā kyā
chalo yaad kar leñ vo guzrā zamānā

baaġh kī sair ko jaate to ho par yaad rahe
sabza begāna hai do-chār na hone paa.e

phir aaj ik havā-e-ġham udaas dil ko kar ga.ī
ḳhayāl terī yaad kā nazar ko phir bujhā gayā

jis tarah maiñ ne tujh ko yaad kiyā
yaad yuuñ kab kisī ko tū aayā

yaad aa.ī kisī kī phir 'ḳhāvar'
dil se āñkhoñ meñ phir lahū aayā

kise hai yaad ki sa.ī-o-talab kī rāhoñ meñ
kahāñ milā hameñ terā nishāñ kahāñ na milā

raat hameñ kuchh yaad nahīñ thā
raat bahut hī yaad aa.e ho

ham ko tauf-e-haram meñ yaad aayā
laḌkhaḌānā sharāb-ḳhāne kā

yaad aatī hai mujhe maañ kī vo mamtā aksar
laaD se jab vo khilātī thī nivāle mujh ko

yaad rakhnā kabhī na bachiyegā
mil ga.e aap vaqt gar shab ke

ishq hai kis ko yaad ki ham to Darte hī rahte haiñ sadā
husn vo jaisā bhī hai us kī dahshat bahut zyāda hai

hai yaad mujhe nukta-e-salmān-e-ḳhush-āhañg
duniyā nahīñ mardān-e-jafā-kash ke liye tañg

ai vo ki tirī yaad hai taskīn-e-dil-o-jāñ
hālāt hameñ kuchh bhī pareshāñ na kareñge

ujḌe dil-o-dimāġh ko ābād kar sakūñ
aisā to kuchh kiyā nahīñ jo yaad kar sakūñ

us kī yaad kā itr lagā kar niklā thā
kyā saudā maiñ sar meñ le kar niklā thā

un kā zikr un kī tamannā un kī yaad
vaqt kitnā qīmtī hai aaj kal

tujhe kuchh us kī ḳhabar bhī hai bhūlne vaale
kisī ko yaad terī baar baar aa.ī hai

yaad hai qissa-e-ġham kā mujhe har lafz abhī
haal jis dard kā jis rañj kā jab se pūchho

roz shikāyat le kar terī yaad aa jaatī hai
jis kā dāman āhista āhista chhoḌ diyā